16:28, 24 - ءساۋىر 2023 | GMT +6
سەمەي وڭىرىندە 17 مىڭ گەكتارعا ەگىن سالىنادى
سەمەي. قازاقپارات - بيىل سەمەي وڭىرىندە 17350 گەكتارعا ەگىن ەگۋ جوسپارلانىپ وتىر، دەپ حابارلايدى قازاقپارات ءتىلشىسى سەمەي قالالىق اكىمدىگىنىڭ باسپا ءسوز قىزمەتىنە سىلتەمە جاساپ.
سەمەي ءوڭىرى بويىنشا اعىمداعى جىلى جالپى ەگىس الاڭى 17350 گەكتاردى قۇرايدى، وعان 51 شارۋاشىلىق سۋبەكتىسى قاتىسادى. 367 گەكتارعا ءداندى داقىل، 3 779,5 گەكتارعا كارتوپ، 1520,2 گەكتارعا كوكونىس جانە باقشا داقىلدارى، 5743 گەكتارعا مايلى داقىلدار وتىرعىزىلادى.
«وڭىردەگى اۋىل شارۋاشىلىعى قۇرىلىمدارىندا كوكتەمگى ەگىس جۇمىسىن جۇرگىزۋگە تەحنيكا سانى جەتكىلىكتى. تراكتورلاردىڭ جالپى سانى - 686,624 دوڭگەلەكتى تەحنيكا، 62 شىنجىر تاباندى، 71 سوقا، 56 قوپسىتقىش، 36 سەپكىش پەن 239 جۇك ماشيناسى جۇمىلدىرىلادى. تۇقىم مەن مينەرالدى تىڭايتقىش دايىن» دەيدى سەمەي قالالىق اۋىل شارۋاشىلىعى ءبولىمىنىڭ باسشىسى نۇرلان شاقابايەۆ.