بيىل 17 جوعارى وقۋ ورنى جابىلۋى مۇمكىن
«ساپاسىز ءبىلىم بەرەتىن جەكە جوعارى وقۋ ورىندارىنىڭ ليتسەنزياسىن كەرى قايتارۋ جۇمىسىن جالعاستىرىپ جاتىرمىز. بۇل كەزىندە اسحات ايماعامبەتوۆ قولعا العان باستاما، جۇمىس جۇيەلى بولدى. وسىعان دەيىن 30 عا جۋىق ءالسىز، ساپاسىز، ديپلومدى بيزنەسكە اينالدىرعان جوعارى وقۋ ورىندارىنىڭ ليتسەنزياسى كۇشىن جويدى. بىلتىر 15 ج و و جابىلسا، بيىل 17 جوعارى وقۋ ورنى كەزەكتە تۇر. ياعني ولار ءبىزدىڭ تەكسەرۋىمىزدە»، - دەدى ساياسات نۇربەك.
ۆەدومستۆو باسشىسىنىڭ ايتۋىنشا، ج و و تالاپقا ساي جانە ساپالى جۇمىس ىستەۋىن ارنايى كوميسسيا تەكسەرىپ، شەشىم شىعارادى.
«بۇل پرەزيدەنتتىڭ تىكەلەي تاپسىرماسى، سوندىقتان بۇل باعىتتاعى جۇمىس جالعاسادى. ءبىز جەكە ۋنيۆەرسيتەتتەرگە ءبىلىم ساپاسى، وقۋ باعدارلامالارى، وقىتۋشىلاردىڭ بىلىكتىلىگى بويىنشا ناقتى كورسەتكىشتەر بەرىپ قويدىق. اتالعان تالاپتار ورىندالماعان جاعدايدا، ءبىز ول وقۋ ورنىن جازالايمىز»، - دەيدى مينيستر.