تۇركيادا جەر سىلكىنىسىنەن قازا تاپقاندار سانى 17 مىڭنان استى
تۇركيا توتەنشە جاعدايلار باسقارماسىنىڭ (AFAD) سوڭعى مالىمەتى بويىنشا، تۇركياداعى جەر سىلكىنىسى كەزىندە 17406 ادام كوز جۇمىپ، 71806 ادام زارداپ شەككەن.
بۇعان دەيىن تۇركياداعى ەكى جويقىن جەر سىلكىنىسىنەن زارداپ شەككەندەردىڭ سانى 16546 عا جەتىپ، 66132 ادام جاراقات العانى حابارلانعان ەدى.
ايتا كەتەيىك، تۇركيادا جەر سىلكىنىسىنە ۇشىراعان پروۆينتسيالارداعى عيماراتتاردى سالعان جانە قابىلداپ العان جاۋاپتى ادامدارعا قاتىستى تەرگەۋ باستالدى. بۇل جايىندا تۇركيانىڭ ادىلەت ءمينيسترى بەكير بوزداع مالىمدەدى.
AFAD دەرەگىنە سايكەس، 6-اقپان كۇنى تۇركيانىڭ كاحرامانماراش- پازاردجيك اۋدانىندا 7,7 بالل قۋاتىمەن جانە ەلبيستاندا 7,6 بالل قۋاتىمەن جەر سىلكىنگەننەن كەيىن 648 افتەرشوك بولعان.
جەراستى ءدۇمپۋى ەلدىڭ 10 پروۆينسياسىندا، سونداي-اق كورشىلەس ەلدەردە، سونىڭ ىشىندە سيريادا سەزىلدى.
8-اقپاندا تۇرىك ەلىندە 5,4 ماگنيتۋداسىمەن تاعى ءبىر سىلكىنىس تىركەلدى.
ەسكە سالايىق، قازاقستان قۇتقارۋشىلارى مىنگەن بورت 7-اقپان كۇنى گازيانتەپكە اتتانعان بولاتىن. ماماندارىمىزدىڭ ەكىنشى توبى گازيانتەپكە كەشكە كەشقۇرىم جەتتى.
قازىر تۇركياداعى جەر سىلكىنىسى كەزىندە جوعالىپ كەتكەن قازاقستاندىقتاردىڭ ەكەۋىنىڭ دەنەسى تابىلدى. ال سابينا مامادياروۆا 8-اقپان كۇنى كەشكە امان-ەسەن تابىلعان بولاتىن.