قىزىلوردادا 17 اقبوكەندى اتقان ادام ۇستالدى
قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنا قاراستى «قىزىلوردا وبلىستىق جانۋارلار دۇنيەسىن مەملەكەتتىك قورعاۋ جونىندەگى مامانداندىرىلعان مەكەمەسىنىڭ» ماماندارى «وحوتزووپروم ءو ب» ر م ك ق قىزمەتكەرلەرىمەن بىرلەسىپ رەيد جۇرگىزگەن ەدى.
«كەزەكتى ءىس-شارا بارىسىندا جالاعاش اۋدانىنا قاراستى جىرىق اتتى سكۆاجينا ماڭىندا «تايوتا لاند كرۋزەر-100» اۆتوكولىگى كۇدىك تۋدىردى. بەلگىسىز تۇلعا وقيعا ورنىنان ءىزىن سۋىتۋعا ارەكەتتەندى. كوپ ۇزاماي جالاعاش اۋدانىنا قاراستى قىزىلشىن دەپ اتالاتىن جەردە ونىڭ كولىگى ورتەنگەندىگى بايقالدى. سول جەردەن بارلىعى 17 باس اقبوكەننىڭ ءولى دەنەسى جانە 54 دانا ءمۇيىزى تابىلدى. ول ايعاق زات رەتىندە الىندى. جالاعاش اۋداندىق پوليتسيا بولىمىمەن بىرلەسىپ، سول ماڭدى قاراۋ بارىسىندا شاقشاق دەپ اتالاتىن مال اۋىلىنان كۇدىك كەلتىرىلگەن قىزىلوردا قالاسىنىڭ تۇرعىنى انىقتالدى»، - دەپ ءمالىم ەتتى قىزىلوردا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنان.
ۆەدومستۆو مالىمەتىنشە، وقيعا بويىنشا ءمان-جايدى قاراپ، شارا قولدانۋ ءۇشىن قۇجاتتار مەن ايعاق زاتتار جالاعاش اۋداندىق پوليتسيا بولىمىنە وتكىزىلدى.
ەسكە سالساق، بيىل قىزىلوردادا مال ۇرلاۋ دەرەگىمەن 30 قىلمىستىق ءىس سوتقا جولدانعان.
