15:30, 18 - ءساۋىر 2022 | GMT +5
رەسەيدىڭ 17 مىڭعا جۋىق ازاماتى قازاقستاندا ۋاقىتشا تۇرۋعا رۇقسات الدى
نۇر- سۇلتان. قازاقپارات - رەسەي فەدەراتسيالسىنىڭ 16837 ازاماتى ەلىمىزدە ۋاقىتشا تۇرۋ ءۇشىن رۇقسات الدى. ولاردىڭ كوبىسى قىزىلوردا وبلىسىنا كەلدى، دەپ حابارلايدى قازاقپارات ءتىلشىسى ىشكى ىستەر مينيسترلىگىنە سىلتەمە جاساپ.

«بيىل قاڭتاردان ناۋرىزعا دەيىن رەسەيدىڭ 16837 ازاماتى قازاقستاندا ۋاقىتشا تۇرۋعا رۇقسات الدى. رەسەيلىكتەردىڭ دەنى قىزىلوردا وبلىسىنا كەلدى. سونداي- اق، الماتىعا – 2116، ب ق و - 1677 جانە قوستاناي وبلىسىنا 1525 رەسەيلىك ورنالاستى»، - دەلىنگەن حابارلامادا.
ءى ءى م تاراتقان مالىمەتكە سايكەس، رەسەي فەدەراتسياسى ازاماتتارىنىڭ نەگىزگى بولىگى (8217) ەڭبەك ەتۋ ءۇشىن كەلىپ وتىر.
ەسكە سالا كەتسەك، بۇعان دەيىن رەسەيدەن – 170، ۋكراينادان 7 ادام قازاقستان ازاماتتىعىن الۋعا ءوتىنىش بەرگەنى ايتىلدى. ودان بولەك، رەسەيدەن كەلگەن 48 ازامات پەن 10 ۋكراينالىق نۇر- سۇلتان قالاسىندا تۇرۋعا نيەت بىلدىرگەنى بەلگىلى بولدى.