رەسەي ازاماتى 17 جىل بويى قازاقستاننان زاڭسىز زەينەتاقى الىپ كەلگەن
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كوشى-قون قىزمەتىنىڭ ماماندارى قوس ازاماتتىعى بار ايەلدى سەمەيدە ۇشاق بيلەتىن ساتىپ العان كەزدە انىقتاعان.
«بەلگىلى بولعانداي، ول قازاقستان ازاماتى بولا تۇرا 2001-جىلى رەسەي فەدەراتسياسىنىڭ ازاماتتىعىن العان. سونداي-اق جەكە باسىن كۋالاندىراتىن قۇجاتتى تاپسىرماي، زەينەت جاسىنا جەتكەن سوڭ 17 جىل بويى قازاقستاندىق زەينەتاقىنى الىپ كەلگەن»، - دەلىنگەن اقپاراتتا.
قازىرگى ۋاقىتتا 76 جاستاعى ايەل ادام ق ر ازاماتتىعىنان ايىرىلىپ، ءتيىستى قۇجاتتار تاركىلەندى.
وعان ق ر ا ق ب ت ك- ءنىڭ 496-بابىنا سايكەس 100 ا ە ك كولەمىندە ايىپپۇل سالىندى.
وسى رەتتە، كوشى-قون قىزمەتى ءوڭىر جۇرتشىلىعىنا باسقا ەلدىڭ ازاماتتىعىن العان جاعدايدا قازاقستان رەسپۋبليكاسى ازاماتتىعىنان شىعۋدى ۋاقتىلى تىركەۋ قاجەت ەكەندىگىن ەسكەرتەدى.