ماڭعىستاۋدا 17 مىڭنان استام ادام جۇمىسسىز ءجۇر
رەسمي دەرەككە سۇيەنسەك، وبلىستا ەڭبەككە قابىلەتتى ازاماتتاردىڭ سانى 352 مىڭنان اسادى. ماسەلەنى شەشۋ ءۇشىن بىلتىر مەملەكەتتىك «ەڭبەك» باعدارلاماسى اياسىندا 1 مىڭنان استام ادام كاسىپتىك ءبىلىم العان. تاعى وسىنشا ازامات بيزنەس اشۋ ءدارىسىن تەگىن وقىپ شىقتى.
جالپى 16 مىڭعا جۋىق تۇرعىن جۇمىسپەن قامتۋ ورتالىقتارى ارقىلى جۇمىسقا ورنالاسقان. ال وڭىردەگى مۇناي-گاز سالاسىندا كادر جەتكىلىكتى. سوندىقتان جۇمىسسىز جۇرگەن مامانداردىڭ تۇيىندەمەلەرى سۇرانىس بار وڭىرلەرگە جولدانىپ جاتىر.
شىڭعىس دۇيسەنوۆ، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى :
- قازىر وزگە ايماقتارمەن كەلىسسوزدەر جۇرگىزىپ جاتىرمىز. ءبىرىنشى كەزەكتە اتىراۋ ءوڭىرىن ايتۋعا بولادى. سول جاقتاعى مۇناي وندىرەتىن جانە سەرۆيستىك قىزمەت كورسەتۋشى كاسىپورىنعا بارعىسى كەلگەن مامانداردى جىبەرىپ جاتىرمىز. ازاماتتاردىڭ جۇمىس كۇشى تاپشى سولتۇستىك ايماقتارعا ءوز ەركىمەن قونىس اۋدارۋى بويىنشا دا جۇمىستار جالعاسىپ جاتىر. سوڭعى 6 جىلدا 108 وتباسى كوشتى. بۇل 366 ادام.
24.kz
