جەل، كوكتايعاق، بوران: 17-جەلتوقسانعا ارنالعان اۋا رايى بولجامى
قازاقستاننىڭ باتىسىندا، سولتۇستىك- باتىسىندا، سولتۇستىگىندە جانە شىعىسىندا سولتۇستىك- باتىس تسيكلونىنىڭ اسەرىنەن جاڭبىر مەن جاۋىپ، جاياۋ بۇرقاسىن سوعادى. رەسپۋبليكانىڭ باسقا اۋماقتارىندا انتيتسيكلون ءوز ىقپالىن ساقتايدى، سوندىقتان جاۋىن- شاشىن جاۋمايدى.
ەلىمىزدىڭ كەي جەرلەرىندە جەل كۇشەيىپ، تۇمان تۇسەدى.
اقمولا وبلىسىنىڭ سولتۇستىگىندە، وڭتۇستىك- شىعىسىندا جاياۋ بۇرقاسىن، كوكتايعاق، جەل قارقىنى - 15-20 م/س.
سولتۇستىك قازاقستان وبلىسىنىڭ باتىسىندا، وڭتۇستىگىندە جاياۋ بۇرقاسىن، تۇمان، كوكتايعاق كۇتىلىپ، جەلدىڭ ەكپىنى 15-20 م/س دەيىن كۇشەيەدى.
پاۆلودار وبلىسىنىڭ سولتۇستىگى مەن باتىسىندا جەلدىڭ جىلدامدىعى - 15-20 م/س، جاياۋ بۇرقاسىن سوعادى. قوستاناي وبلىسىنىڭ سولتۇستىگىندە جەلدىڭ كۇشى 15-20 م/س جەتەدى، جاياۋ بۇرقاسىن كوتەرىلىپ، وڭتۇستىگىندە تۇمان، كوكتايعاق بولجانادى.
شىعىس قازاقستان وبلىسىنىڭ سولتۇستىك- شىعىسىندا جاياۋ بۇرقاسىن كوتەرىلەدى، باتىسىندا جەلدىڭ قارقىنى 15-20 م/س جەتەدى.
اتىراۋ وبلىسىنىڭ باسىم بولىگىندە، باتىسىندا، باتىس قازاقستان وبلىسىنىڭ سولتۇستىگىندە، اقتوبە وبلىسىنىڭ باتىسىندا، ماڭعىستاۋ وبلىسىنىڭ باتىسىندا جانە وڭتۇستىك- شىعىسىندا، قىزىلوردا وبلىسىنىڭ وڭتۇستىگىندە، قاراعاندى وبلىسىندا، جامبىل وبلىسىنىڭ سولتۇستىگىندە، تاۋلى جانە تاۋ بوكتەرىندەگى اۋداندارىندا، ءتۇرىستان وبلىسىنىڭ تاۋلى اۋداندارىندا، الماتى وبلىسىنىڭ تاۋ بوكتەرىندەگى اۋداندارىندا جانە شىعىسىندا تۇمان تۇسەدى.
قاراعاندى وبلىسىنىڭ سولتۇستىگىندە، شىعىسىندا، الماتى وبلىسىنىڭ الاكول اۋدانىندا، جامبىل وبلىسىنىڭ تاۋلى اۋداندارىندا تۇندە جەل ەكپىنى 15-20 م/س جەتەدى.
