اۋا رايىنىڭ 17-شىلدە كۇنىنە جاسالعان بولجامى

بۇل كۇنى سيكلون جىراسىنىڭ وتۋىنە بايلانىستى اتموسفەرالىق فرونتتاردىڭ اسەرىنەن ءالى دە قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى - جاڭبىر جاۋادى، نايزاعاي بولادى، وڭتۇستىك- شىعىستاعى تاۋلى اۋدانداردا بۇرشاق تۇسەدى، تەك ەلدىڭ وڭتۇستىگى مەن وڭتۇستىك- باتىسىندا جاۋىن- شاشىنسىز اۋا رايى كۇتىلەدى.

رەسپۋبليكا بويىنشا كەي جەرلەردە جەل كۇشەيىپ، تۇندە سولتۇستىكتە تۇمان بولادى. الماتى، شىعىس قازاقستان، كۇندىز اقمولا، جامبىل، اقتوبە، قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە جەل 15-20 م/س كۇشەيەدى، قوستاناي، سولتۇستىك قازاقستان وبلىستارىنىڭ كەي جەرلەرىندە تۇندە تۇمان كۇتىلەدى، جامبىل وبلىسىنىڭ كەي جەرلەرىندە بۇرشاق بولادى.

كۇندىز ماڭعىستاۋ، اتىراۋ، باتىس قازاقستان وبلىستارىندا، اقتوبە، قاراعاندى وبلىستارىنىڭ وڭتۇستىگىندە قاتتى ىستىق كۇتىلەدى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، الماتى، اتىراۋ، باتىس قازاقستان، اقتوبە، قوستاناي، قاراعاندى وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.