الي احمەدوۆ 17 نوكاۋتى بار امەريكالىقپەن جۇدىرىقتاسادى

نۇر-سۇلتان. قازاقپارات - 25 جاستاعى قازاقستاندىق بوكسشى الي احمەدوۆ (16-1، 12 ك و) كەلەسى جەكپە-جەگىن 12- ناۋرىزدا وتكىزەدى، دەپ حابارلايدى Vesti.kz.

BoxRec مالىمەتىنشە، قازاقستاندىقتىڭ قارسىلاسى 33 جاستاعى امەريكالىق سكوتت سيگمون (34-14-1, 17 ك و) بولادى. ون راۋندقا ەسەپتەلگەن ايقاس ا ق ش- تىڭ پلانت-سيتي قالاسىنداعى بوكس كەشىندە وتەدى.

احمەدوۆ كەيىنگى رەت جەلتوقساندا گەننادي گولوۆكين - كاميل شەرەمەتا اندەركاردىندا جۇدىرىقتاسىپ، ەكۆادورلىق كارلوس گونگورادان (18-0، 13 ك و) جەڭىلگەن بولاتىن. بۇل كەزدەسۋدە ەكىنشى ورتا سالماقتاعى IBO بەلبەۋى ساراپقا سالىنعان ەدى. وسى جەڭىلىستەن كەيىن الي الەمدىك رەيتينگتە قۇلدىرادى.

سيگمون كەيىنگى رەت 2019-جىلى 20- قىركۇيەكتە جەكپە-جەك وتكىزىپ، 35 جاستاعى وتانداسى لايونەلل تومپسوننان جەڭىلدى. سكوتت جەتىنشى راۋندتا ارى قاراي جۇدىرىقتاسۋدان باس تارتتى.

سيگموننىڭ لاقاپ اتى «Cujo» (ستيۆەن كينگ رومانىنداعى قۇتىرعان توبەت) ەكەنىن ايتا كەتەيىك.