ورالدا بەلگىسىز بىرەۋ تۇرمەنىڭ اۋلاسىنا 17 ۇيالى تەلەفون لاقتىرعان
ب ق و بويىنشا قىلمىستىق- اتقارۋ جۇيەسى دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا رۋ-170/3 مەكەمەسىندە ورىن الدى. مەكەمە قىزمەتكەرلەرىنىڭ قىراعىلىعى مەن ءتيىستى ءىس-قيمىلى ارقاسىندا تۇرمە اۋلاسىنا لاقتىرىلعان ءىرى كولەمدەنى تىيىم سالىنعان زاتتار تاركىلەندى.
قاراۋىل بەكەتىنىڭ ساقشىسىنان تىيىم سالىنعان ايماق تۇسىنان بەلگىسىز بىرەۋدىڭ زات لاقتىرعانى تۋرالى دابىل بەلگىسى كەلىپ تۇسكەن. دەرەۋ جەتكەن قاراۋىل جانە كەزەكشى اۋىسىم قىزمەتكەرلەرى تۇزەۋ مەكەمەسىنىڭ اۋماعىنان پوليمەرلى قاپتامانى تاپتى. قاپتاما ىشىنە 17 ۇيالى تەلەفون، 19 دانا قۋاتتاندىرعىش قۇرىلعى، 55 دانا سيم كارتا جانە 1 دانا جاد كارتاسى جاسىرىلعان بولىپ شىقتى. قازىرگى تاڭدا ۇيالى تەلەفوندار ءتيىستى ورگاندارعا بەرىلىپ، قىزمەتتىك تەرگەۋ جۇرگىزىلۋدە.
ەسكە سالا كەتەيىك، بۇدان بۇرىن ورالدا ەسىرتكىمەن ۇستالعان اتىراۋ تۇرعىنىنىڭ پوليتسەيگە پارا بەرگەنىن جازعان بولاتىنبىز.
