ەلىمىزدىڭ باسىم بولىگىندە 17- مامىردا جەل كۇشەيىپ، جاڭبىر جاۋادى
رەسپۋبليكا بويىنشا كەي جەرلەردە نايزاعاي جارقىلداپ، جاڭبىر جاۋادى، جەلدىڭ كۇشەيۋى كۇتىلەدى، سولتۇستىك-باتىستا تۇندە جانە تاڭەرتەڭ تۇمان ءتۇسۋى ىقتيمال دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
جەكسەنبىدە اقمولا، قوستاناي وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، تۇندە جانە تاڭەرتەڭ تۇمان ءتۇسۋى مۇمكىن.
سولتۇستىك قازاقستان، جامبىل، باتىس قازاقستان، تۇركىستان وبلىستارىنىڭ كەي جەرلەرىندە جەل 15-20 م/س كۇشەيەدى، تۇركىستان وبلىسىندا داۋىل كۇتىلەدى، بۇرشاق جاۋۋى ىقتيمال.
شىعىس قازاقستان، اقتوبە، پاۆلودار وبلىستارىنىڭ كەي جەرلەرىندە جەل تۇرادى، ەكپىنى 20 م/س، پاۆلودار وبلىسىندا تۇندە جەلدىڭ كۇشى 23 م/س دەيىن جەتەدى.
ماڭعىستاۋ وبلىستارىنىڭ كەي جەرلەرىندە تۇمان كۇتىلەدى.
قىزىلوردا وبلىسىندا تاڭەرتەڭ جانە كۇندىز كەي جەرلەردە جەلدىڭ جىلدامدىعى 15-20 م/ بولادى.
شىعىس قازاقستان وبلىسىنىڭ كەي جەرلەرىندە وتە جوعارى ءورت قاۋپى ساقتالادى.
