تەڭىز كەنىشىندە كوروناۆيرۋستىڭ 17 وشاعى انىقتالدى
توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ مالىمەتىنە سۇيەنسەك، مۇنداعى كارانتيندىك ستاتسيوناردا 2000 نان استام ادام بار. ولار بۇعان دەيىن كوروناۆيرۋس ينفەكتسياسىن جۇقتىرعان ناۋقاستارمەن بايلانىستا بولعان. سونداي- اق، جۇمىسشىلار تۇعان ۆاحتالىق كەنتتە قاۋىپتى ىندەتتىڭ 17 وشاعى انىقتالعان. كەن ورنىنان 16200 جۇمىسشى شىعارىلىپ، تۇرعىلىقتى مەكەنجايلارىنا جىبەرىلگەن. جاقىن كۇندەرى تاعى 800 ادامدى شىعارۋ كوزدەلىپ وتىر.
«قازىرگى ۋاقىتتا تەڭىز كەنىشىندەگى مەردىگەرلىك مەكەمەلەردەن 359 ادام ينفەكتسيا جۇقتىردى. ونىڭ 64 ءى جازىلىپ شىقتى. سوڭعى تاۋلىكتە مۇندا ىندەتكە شالدىققان 90 ادام تىركەلدى. ولار - بۇرىن انىقتالعان ناۋقاستارمەن بايلانىستا بولعاندار» - دەدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باس مامانى الماگۇل كوشكىنبايەۆا.
