ا ق ش قازاقستاندىق پوليسەيلەرگە 17 كولىك سىيلادى
ا ق ش ەلشىلىگىنىڭ قورعانىس مينيسترلىگىنىڭ ەسىرتكىگە قارسى كۇرەس باعدارلاماسى اياسىندا ءى ءى م ەسىرتكىگە قارسى ءىس- قيمىل ارنايى بولىنىستەرى مەن وقۋ ورىندارىنا ارنالعان تەحنيكالىق قۇرالدار مەن اۆتوكولىكتەردى رەسمي تاپسىرۋ ءراسىمى اتالعان كەزدەسۋگە سەبەپ بولدى.
ا ق ش ەلشىلىگى اتىنان اسكەري اتتاشە، اسكەري- اۋە اتتاشەسى، قاۋىپسىزدىك سالاسىنداعى اسكەري ىنتىماقتاستىق ءبولىمى باستىعىنىڭ ورىنباسارى جانە باسقا دا رەسمي تۇلعالار كەزدەسۋگە قاتىستى.
امەريكا تاراپىنان قازاقستان پوليتسياسىنا 17 اۆتوموبيل جانە 68 تاسىمالداناتىن راديوستانتسيا تابىس ەتىلدى. ولار كەيىننەن اۋماقتىق ەسىرتكى قىلمىسىنا قارسى ءىس- قيمىل بولىنىستەرىنە جانە ۆەدومستۆولىق وقۋ ورىندارىنا جولداناتىن بولادى.
ىشكى ىستەر ءمينيسترىنىڭ ورىنباسارى قوجايەۆ امەريكالىق قوناقتاردى كەلە جاتقان ۇلتتىق مەيرامى ا ق ش- تىڭ تاۋەلسىزدىك كۇنىمەن قۇتتىقتادى. ا ق ش ەلشىلىگىنىڭ پوليتسيا قىزمەتتەرىن ماتەريالدىق- تەحنيكالىق جابدىقتاۋعا، ىشكى ىستەر ورگاندارىنىڭ قىزمەتكەرلەرىن وقىتۋعا قوسقان ۇلەسىن اتاپ ءوتىپ، الداعى ۋاقىتتا تابىستى ىنتىماقتاستىقتىڭ جالعاساتىنىنا سەنىم ءبىلدىردى.
