13:27, 13 - قازان 2018 | GMT +6
الەمدەگى توقتاۋسىز ەڭ ۇزاق رەيس 17 ساعاتقا سوزىلدى
استانا. قازاقپارات - ەڭ ۇزاق ءارى توقتاۋسىز ۇشاتىن كوممەرتسيالىق رەيس نيۋ- يورك اۋەجايىنا قوندى. ول 17 ساعات 52 مينۋتتىڭ ىشىندە 15 مىڭ شاقىرىمدى ارتقا تاستاپ سينگاپۋردان ۇشىپ كەلدى، دەپ حابارلايدى بي- بي- سي.
ۇشاق بورتىندا 150 جولاۋشى مەن 17 ەكيپاج مۇشەسى بولعان. «ۇشۋ جەڭىل جانە جايلى بولدى. بورتتاعىلار سونشاما ۋاقىتتىڭ قالاي وتكەنىن بايقاماي دا قالسا كەرەك»، - دەيدى airlineratings.com سايتىنىڭ باس رەداكتورى دجەففري توماس.
لاينەر كامبودجا، لاوس، قىتاي، موڭعوليا جانە رەسەي اۋماقتارىن باسىپ وتكەن.