دۇنيەگە كەلگەن استانالىق سابيلەرگە 17 زاتتان تۇراتىن جيىنتىق تابىستالادى

 استانا. قازاقپارات - استانا اكىمدىگى جاڭا ءداستۇر قالىپتاستىردى. ەندى ەلوردادا دۇنيەگە كەلگەن ءاربىر سابيگە ءومىرىنىڭ العاشقى كەزەڭىندە قاجەتتى زاتتارى بار جيىنتىق تابىستالادى، دەپ حابارلايدى قازاقپارات ەلوردا ينفو سايتىنا سىلتەمە جاساپ.

 سىيلىق جيىنتىعى 17 زاتتان تۇرادى: توقىما كەۋدەشە، توقىلعان باس كيىم، قولعاپتار، توقىلعان جامىلعى، 2 جايالىق، 2 جەيدە، 2 تەلپەك، 4 جۇپ شۇلىق، كونۆەرت، ءسابيدىڭ الجاپقىشى، سومكە ت. ب. بالانىڭ العاشقى ايىندا قاجەتتى بۇل زاتتاردىڭ بارلىعى وتاندىق ءونىم.

ايتا كەتەيىك، كۇن سايىن ەلوردادا 70-80 ءسابي دۇنيەگە كەلەدى.