گەرمانيا اسكەري تۇتقىندا بولعان 17 قازاقستاندىققا وتەماقى تولەيدى
قازىرگى ۋاقىتتا 11 ارداگەر وتەماقىلارىن العان بولسا، 6 ادامنىڭ قۇجاتى گ ف ر- ءدىڭ قاراۋىندا، دەدى «قازاقپارات» ءتىلشىسىنىڭ ساۋالىنا جاۋاپ بەرگەن ق ر پرەزيدەنتى ارحيۆىنىڭ ديرەكتورى، پروفەسسور بوريس جاپاروۆ.
بوريس جاپاروۆتىڭ ايتۋىنشا، 2015 -جىلى مامىر ايىندا گەرمانيا فەدەراتيۆتىك رەسپۋبليكاسى بۇرىنعى كەڭەستىك اسكەري تۇتقىندارعا 2500 ەۋرو كولەمىندە وتەماقى تولەۋ تۋرالى شەشىمىن قابىلداعان. قۇجاتتاردى قابىلداۋ بيىل قىركۇيەك ايىندا اياقتالادى.
«وتەماقى 1941 -جىلدىڭ 22 - ماۋسىمىنان 1945 -جىلدىڭ 8 - مامىرىنا دەيىن تۇتقىندا بولعان بۇرىنعى كەڭەستىك اسكەري قىزمەتكەرلەرگە بەرىلەدى. بەكىتىلگەن ساۋالناما- ءوتىنىشتى تولتىرىپ، 2017 -جىلدىڭ 17 - قىركۇيەگىنە دەيىن جىبەرۋ قاجەت. ساۋالناماداعى اقپاراتتى گەرمانيانىڭ ورگاندارى تەكسەرگەننەن كەيىن جانە بەرىلگەن مالىمەتتەر دۇرىس بولعان جاعدايدا، كوزى ءتىرى بۇرىنعى اسكەري تۇتقىنعا، ياعني ق ر ازاماتىنا 2500 ەۆرو كولەمىندە وتەماقى تولەنەدى. 2016 -جىلى ق ر پرەزيدەنتىنىڭ ارحيۆى بۇرىن اسكەري تۇتقىندا بولعان 17 قازاقستاندىقتىڭ وتەماقى الۋىنا قۇجاتتاردى رەسىمدەۋگە كومەك كورسەتتى. اتالعان جۇمىس باتىس قازاقستان وبلىسى مەملەكەتتىك، شىمكەنت وڭىرلىك مەملەكەتتىك ارحيۆتەرىمەن بىرلەسە وتىرىپ جۇرگىزىلدى. قازىرگى ۋاقىتتا 2016-2017 ج ج. 11 ارداگەر (استانا قالاسىنىڭ، باتىس قازاقستان جانە وڭتۇستىك قازاقستان وبلىستارىنىڭ تۇرعىندارى) وتەماقى الدى»، - دەدى ب. جاپاروۆ.
ق ر پرەزيدەنتى ارحيۆى قىزمەتكەرلەرىنىڭ ايتۋىنشا، قۇجاتتاردى جيناپ، گەرمانياعا جولداۋ وزگە وبلىستاردىڭ قۇزىرلى مەكەمەلەرى ارقىلى دا جاسالعان. ال پرەزيدەنت ارحيۆى ارقىلى وتكىزىلگەن قۇجاتتاردىڭ بارلىق سانى - 17.
ايتا كەتەيىك، قازاقستان رەسپۋبليكاسى پرەزيدەنتىنىڭ ارحيۆى 2015 -جىلى «ەكىنشى دۇنيەجۇزىلىك سوعىسىنداعى قازاقستاندىق اسكەري تۇتقىندار: ادەبيەتتەر، دەرەكتەر، مالىمەتتەر بازاسى» عىلىمي- زەرتتەۋ جوباسىن ىسكە قوسقان بولاتىن. وسى جوبانىڭ اياسىندا www.tutkyn.kz ۆەب- سايتى ىسكە قوسىلدى، وندا قازاقستاندىق اسكەري تۇتقىنداردىڭ ءتىزىمى بار ونلاين رەسپۋبليكالىق اقپاراتتىق بازاسى ورنالاستىرىلدى. جوبانى جۇزەگە اسىرۋ بارىسىندا تاريحشى عالىمدارمەن كەزدەسۋلەر وتكىزىلىپ، تاقىرىپ بويىنشا ارحيۆتى قۇجاتتار، ماقالالار مەن ەستەلىكتەر جيناقتالىپ جاتىر. ەكى جىل ىشىندە 35509 مىڭ قازاقستاندىق اسكەري تۇتقىننىڭ ەسىمى اقپاراتتىق بازاعا ەنگىزىلدى.
«الماتى قالاسى ىشكى ىستەر دەپارتامەنتى اقپاراتتىق- اناليتيكالىق ورتالىعىنىڭ ارنايى مەملەكەتتىك ارحيۆىنىڭ № 10 «بۇرىنعى اسكەري تۇتقىندارعا سۇزگىلىك جانە تروفەيلىك ماتەريالدار» قورىنان 5274 فاميليا الىندى. بۇل جوبا قوعامدا ۇلكەن قىزىعۋشىلىق تۋدىردى، ءىز- ءتۇزسىز جوعالعان جاۋىنگەرلەردىڭ تۋىسقاندارى ولاردى ءالى دە ىزدەۋدە. جوبا جۇمىسى تۋرالى ب ا ق كەڭىنەن جاريا ەتىلدى، رەسپۋبليكالىق تەلەارنالار بۇل تاقىرىپقا وراي تەلەباعدارمالار مەن سۇحباتتار، جاڭالىقتار كورسەتتى. سونىڭ نەگىزىندە جوبا تۋرالى ءبىلىپ، حالىق ارحيۆكە تۇتقىندا بولعان نەمەسە حابارسىز كەتكەن تۋىسقاندارى تۋرالى سۇراۋ سالۋلارىن جىبەرە باستادى. 2015-2017 -جىلدار ارالىعىندا 91 ءوتىنىم ءتۇستى»، - دەدى ق ر پرەزيدەنتى ءارحيۆىنىڭ ديرەكتورى بوريس جاپاروۆ.
اۆتور: الماس مۇقاش ۇلى
