وزبەكستان پرەزيدەنتى 17 جىلدان سوڭ قىرعىزستانعا رەسمي ساپارمەن بارماق
بۇعان دەيىن ميرزيايەۆتىڭ ەكى كۇندىك ساپارىندا ءبىرقاتار قۇجاتقا، ونىڭ ىشىندە شەكارانى دەليميتاتسيالاۋ جانە دەماركاتسيالاۋ تۋرالى كەلىسىمگە قول قويىلادى دەپ جوسپارلانعان. وزبەكستان مەن قىرعىزستان اراسىنداعى 1400 كيلومەترگە جۋىق شەكارانىڭ 230 كيلومەترگە جۋىق بولىگى داۋلى كۇيىندە قالىپ وتىر. تاراپتار سونىمەن قاتار قىتاي- قىرعىزستان- وزبەكستان تەمىرجول قۇرىلىسىن جانە ەكى جاقتى ىنتىماقتاستىق ماسەلەلەرىن تالقىلاماق.
ميرزيايەۆتىڭ قىرعىزستانعا باراتىنى تۋرالى 28 - تامىزدا بەلگىلى بولعان. قىرعىزستان پرەزيدەنتى المازبەك اتامبايەۆ وش وبلىسىنىڭ ۇزگەن اۋدانى تۇرعىندارىمەن كەزدەسۋىندە ميرزيەياتىڭ وسى اپتادا ساپارلاپ كەلەتىنىن ايتقان.
2016 -جىلى جەلتوقساندا اتامبايەۆ وزبەكستاننىڭ سامارقان وبلىسىنا جۇمىس ساپارىمەن بارعان بولاتىن. ول مۇندا شاۆكات ميرزيايەۆپەن كەزدەسىپ، وزبەكستاننىڭ بۇرىنعى پرەزيدەنتى يسلام كاريموۆتىڭ زيراتىنا گۇل قويعان.
وزبەكستان پرەزيدەنتى سوڭعى 17 جىلدا قىرعىزستانعا رەسمي ساپارمەن بارماعان. بۇرىنعى پرەزيدەنت يسلام كاريموۆ قىرعىزستانعا 2000 -جىلى بارعان. ەكى ەل اراسىنداعى قارىم- قاتىناس 2016 -جىلى قىركۇيەكتە وزبەكستاندى سوۆەت كەزەڭىنەن بەرى باسقارعان پرەزيدەنت يسلام كاريموۆ قايتىس بولىپ، بيلىككە شاۆكات ميرزيايەۆ كەلگەن سوڭ جاقسارا باستاعان.
«ازاتتىق» جاڭالىقتارى
