جىل سوڭىنا دەيىن قازاق تىلىنە 17 وقۋلىق اۋدارىلاتىن بولادى
ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنداعى ارنايى جوبالاردىڭ قاتارىندا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» باستاماسىن جۇزەگە اسىرۋ ءۇشىن ۇلتتىق اۋدارما بيۋروسى قۇرىلدى. جۇمىس توبىنىڭ قۇرامىنا توقساننان استام عالىم تاڭداپ الىنعان. ولار جىل سوڭىنا دەيىن فيلوسوفيا، الەۋمەتتانۋ، پسيحولوگيا، ەكونوميكا، مادەنيەتتانۋ، ءدىنتانۋ ءىلىمى بويىنشا 800 كىتاپتىڭ ىشىنەن اسا قاجەت دەگەن 17 وقۋلىقتى اۋدارادى. بۇلار گارۆارد، وكسفورد، يەل، كەمبريدج ۋنيۆەرسيتتەرىنىڭ باعدارلاماسىنا ەنگەن وقۋلىقتار.
راۋان كەنجەحان ۇلى، «ۇلتتىق اۋدارما بيۋروسى» ق ق ءتوراعاسى:
- بۇل وقۋلىقتار كەمىندە ءۇش باسىلىم كورۋى ءتيىس. ياعني، ءوزىنىڭ ومىرشەڭدىگىن دالەلدەگەن وقۋلىقتار بولۋى ءتيىس. ەندى ءۇش دەپ شارتتى تۇردە قويىلدى. بىزدەگى وقۋلىقتاردىڭ كوبى ون جانە ودان دا كوپ باسىلىم كورگەن. سونىمەن قاتار سوڭعى باسىلىمى سوڭعى ءۇش جىلدا بولۋى كەرەك دەگەن تالاپ قويدىق.
http://24.kz/kz