ەكسپو- نىڭ اشىلۋىنا 17 مەملەكەت پەن ۇكىمەت باسشىسى قاتىسادى
وعان دەيىن شاڭحاي ىنتىماقتاستىق ۇيىمىنىڭ كەزەكتى سامميتى وتەدى، دەپ حابارلايدى قازاقپارات ءتىلشىسى.
«شاڭحاي ىنتىماقتاستىق ۇيىمىنا مۇشە ەلدەردىڭ مەملەكەت باسشىلارى كەڭەسىنىڭ وتىرىسىندا ءبىرقاتار قۇجاتتار قابىلدانادى. ۇيىمعا كىرەتىن ەلدەردىڭ پرەزيدەنتتەرى استانا دەكلاراتسياسىن راسىمدەيدى. بۇدان بولەك، تەرروريزم مەن ەكسترەميزمگە قارسى شاڭحاي ىنتىماقتاستىق ۇيىمىنىڭ كونۆەنتسياسى قابىلدانادى. ال وتىرىستىڭ باعدارلاماسىنا كەلەر بولساق، 8 - ماۋسىم كۇنى شەتەلدىك دەلەگاتسيالارعا ارنالعان مەرەكەلىك كونسەرت ۇيىمداستىرىلادى. ال 9 - ماۋسىم تولىعىمەن وتىرىسقا ارنالادى. شاڭحاي ىنتىماقتاستىق ۇيىمىنىڭ سامميتى اياقتالعاننان كەيىن كەشكە قاراي ەكسپو كورمەسىنىڭ سالتاناتتى اشىلۋ ءراسىمى بولادى. وسى شاراعا الەمنىڭ 17 پرەزيدەنتى مەن ۇكىمەت باسشىسى قاتىسادى»، - دەدى ق ر سىرتقى ىستەر ءمينيسترى قايرات ءابدىراحمانوۆ جۋرناليستەرگە بەرگەن سۇحباتىندا.
ايتا كەتەيىك، سىرتقى ىستەر ۆەدومستۆوسىنىڭ باسشىسى جەتى مەملەكەتتىڭ كاتارمەن ديپلوماتيالىق بايلانىستاردى توقتاۋىنا قاتىستى قازاقستاننىڭ ۇستانىمىن دا جەتكىزدى.
اۆتور: ارمان اسقاروۆ