10:23, 14 - مامىر 2017 | GMT +5
مىسىر ارحەولوگتارى ەجەلگى 17 مۋميانى تاپتى
استانا. قازاقپارات - مىسىر ارحەولوگتارى كايردان وڭتۇستىككە قاراي 250 شاقىرىم قاشىقتىقتا ورنالاسقان ەل-مينيا پروۆينتسياسىنان جاقسى ساقتالعان ەجەلگى مۋميالاردى تاۋىپ الدى، دەپ جازادى bbc.com سايتى.
ەجەلگى جەرلەۋ ورىندارى جەر استىندا شامامەن سەگىز مەترلىك تەرەڭدىكتە ورنالاسقان. قابىر ىشىنەن مۋميالارمەن بىرگە اكتاس پەن سازدان جاسالعان ساركوفاگيلەر، جانۋارلار قالدىقتارى، ەجەلگى مىسىر جازۋىمەن جازىلعان پاپيرۋستار تابىلدى.
مۋميالاردىڭ ناقتى جاسى انىقتالعان جوق. كاير مەملەكەتتىك ۋنيۆەرسيتەتى ارحەولوگيا فاكۋلتەتىنىڭ دەكانى موحاممەد حامزا ولاردىڭ مىسىردىڭ گرەك-ريم داۋىرىنە سايكەس كەلەتىندىگىن ايتتى.
ايتا كەتەيىك، بۇل ءداۋىر الەكساندر ماكەدونسكي ب. د. د. 332-جىلى ەلدى جاۋلاپ العاننان كەيىن شامامەن 600 جىلعا سوزىلدى.
