12:39, 16 - ناۋرىز 2017 | GMT +5
ءابىليازوۆتىڭ ءىسى بويىنشا الدىن الا سوت تىڭدالىمى 17- ناۋرىزدا وتەدى
استانا. قازاقپارات - مۇحتار ءابىليازوۆتىڭ ءىسى بويىنشا الدىن الا سوت تىڭدالىمى 17- ناۋرىزدا وتەدى.
بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى. «مۇحتار ءابىليازوۆتىڭ ءىسى بويىنشا الدىن الا سوت تىڭدالىمى ساعات تاڭعى 10:00 دە الماتى قالالىق سوتىندا وتەدى»، - دەپ حابارلادى سوتتىڭ باسپا ءسوز قىزمەتى.
ەسكە سالا كەتەيىك، قازاقستان رەسپۋبليكاسى سىبايلاس جەمقورلىققا قارسى ءىس-قيمىل ۇلتتىق بيۋروسى ب ت ا بانكتىڭ قارجىسىن جىمقىرعان كۇدىكتى ابىليازوۆكە قاتىستى قىلمىستىق ءىس بويىنشا سوتقا دەيىنگى تەرگەۋ جۇمىستارىن اياقتادى.
قازىرگى تاڭدا، ءابىليازوۆ پەن ونىڭ سىبايلاستارىنىڭ ءىسى سوتقا جولداندى. ماسكەۋدىڭ اربيتراجدىق سوتى ب ت ا بانكتىڭ بۇرىنعى باسشىسى مۇحتار ابىليازوۆتەن 420 ميلليون دوللار ءوندىرىپ الۋ بويىنشا اتالمىش بانكتىڭ شاعىمىن قاناعاتتاندىردى.
