قازاقستاننىڭ ەۋرازيالىق ەكونوميكالىق وداق ەلدەرىمەن ساۋدا-ساتتىعى 17 پايىز تومەندەدى

استانا. قازاقپارات - 2016 -جىلى قازاقستاننىڭ ە ا ە و ەلدەرىمەن ساۋداسى 16,8  پايىز تومەندەدى، دەپ حابارلادى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنەن.

2016 -جىلدىڭ قاڭتار- جەلتوقسان ايلارىندا قازاقستان رەسپۋبليكاسى مەن ە ا ە و ەلدەرى اراسىنداعى ساۋدا- ساتتىق 13 583,5 ميلليون ا ق ش دوللارىن قۇرادى، بۇل 2015 -جىلدىڭ قاڭتار- جەلتوقسانىمەن سالىستىرعاندا 16,8 پايىز از.

ونىڭ ىشىندە ەكسپورت - 3 917,6 ميلليون ا ق ش دوللارىن (23,5 پايىز ازايعان)، يمپورت 9 665,9 ميلليون ا ق ش دوللارىن (13,7 پايىز از) قۇرادى. قازاقستان رەسپۋبليكاسى ەكسپورتىنىڭ قۇرىلىمىندا مينەرالدى ونىمدەر (ە ا ە و ەلدەرىنە جالپى ەكسپورت كولەمىنىڭ 33,4 پايىز)، مەتالدار مەن مەتالل ونىمدەرى (25,7 پايىز)، حيميالىق ونەركاسىپ ونىمدەرى (19 پايىز)، جانۋارلار جانە وسىمدىكتەردەن الىنعان ونىمدەر، دايىن ازىق- تۇلىك تاۋارلارى (10,8 پايىز) باسىم. ال قازاقستانعا ەاەو ەلدەرىنەن كوبىنە ماشينالار مەن قۇرىلعىلار (ە ا ە و ەلدەرىنەن كەلەتىن جالپى يمپورتتىڭ 25,8 پايىز)، مينەرالدى ونىمدەر (16,8 پايىز)، حيميالىق ونەركاسىپ ونىمدەرى (16,5 پايىز)، جانۋارلار جانە وسىمدىكتەردەن الىنعان ونىمدەر، دايىن ازىق- تۇلىك تاۋارلارى (13,9 پايىز)، مەتالدار مەن مەتالل ونىمدەرى (12,5 پايىز) جەتكىزىلەدى.