استانادا 17 ساياباق پەن گۇلباق سالۋ جوسپارلانۋدا - فوتو

استانا. قازاقپارات - استانا اكىمى اسەت يسەكەشيەۆتىڭ توراعالىعىمەن قالا قۇرىلىسى كەڭەسىنىڭ وتىرىسى ءوتىپ، وندا ساياباقتار مەن گۇلباقتار سالۋ، ەلوردا كوشەلەرىن جارىقتاندىرۋ، كوگالداندىرۋ جانە اباتتاندىرۋ ماسەلەلەرى قارالدى، دەپ حابارلايدى قازاقپارات.

كەڭەس مۇشەلەرى ءىرى جاسىل القاپتار جاساۋ ارقىلى ەكوجۇيەنى جاقسارتۋ ءۇشىن قازىرگى كوگالداندىرۋ بادارلاماسىن دامىتۋدى ۇسىندى. كوپتەگەن جەرگىلىكتى الاڭدارمەن، رەكرەاتسيالىق ايماقتارى بار گۇلباقتارمەن جانە ءتيىستى ينفراقۇرىلىممەن پوليتسەنتريستىك قالا جاساۋ ارقىلى ءوز ۇيلەرىنىڭ جانىندا جايلى ورتادا وتباسىمەن دەمالۋ ماسەلەسىن شەشۋگە بولادى، دەيدى ساراپشىلار.

وسىلايشا، شالعاي جەردە ورنالاسقان دەمالىس ورىندارىنا بارۋ قاجەتتىلىگى جويىلادى. استانا اكىمدىگىنىڭ باسپا ءسوز قىزمەتىنەن ءمالىم ەتكەندەي، «كرەاتيۆتى جوبالار» باعدارلاماسى اياسىندا ەلوردانىڭ ءتۇرلى بولىگىندە 17 ساياباق پەن گۇلباق جاساۋ بويىنشا جوبا بەلسەندى ازىرلەنۋدە. ولاردىڭ ۇشەۋى بويىنشا جوبالاۋ جۇمىستارى اياقتالدى.

انىقتاما: گۇلباقتار مەن ساياباقتار، جەلەكجولدار ورنالاسقان ورىندار: ءى. ەسەنبەرلين ك- سى، №36 ءۇيدىڭ اۋدانى؛ ا. پۋشكين ك- سى، № 15 ب ءۇيدىڭ اۋدانى؛ ب. مايلين ك- ءسى، №9 ءۇيدىڭ اۋدانى؛ ءا. مولداعۇلوۆا ك- ءسى، № 9 جانە №21 ۇيلەردىڭ اۋدانى؛ سۋۆوروۆ ك- ءسى، № 12 جانە №14 ۇيلەردىڭ اۋدانى؛ س. سەيفۋللين ك- سى، № 31 ءۇيدىڭ اۋدانى؛ جەلتوقسان ك- سى، №2 ءۇيدىڭ اۋدانى؛ سارى ارقا داڭعىلى، № 27 جانە № 23 ۇيلەردىڭ اۋدانى؛ جەڭىس داڭعىلى، № 36/1 ءۇيدىڭ اۋدانى؛ ءبىرجان سال ك- سى، № 5 ءۇيدىڭ اۋدانى؛ بوگەنباي باتىر داڭعىلى جانە جەڭىس داڭعىلى؛ رەسپۋبليكا داڭعىلى جانە ى. دۇكەن ۇلى؛ كەنەسارى ك- سى، ەگەمەن قازاقستان ك- سىنەن ب. بەيسەكبايەۆ ك- سىنە دەيىن؛ اباي داڭعىلى، قۇلتوبە ك- سىنەن سەمبينوۆ ك- سىنە دەيىن؛ جەڭىس داڭعىلى جانە ءا. جانگەلدين ك- سى.

ايتا كەتەيىك، استانانىڭ قالا قۇرىلىسى كەڭەسى ءبىرىڭعاي ساۋلەتتىك جانە قالا قۇرىلىسى ساياساتىن ىسكە اسىرۋ، قولعا الىنعان جوبالاردىڭ ساپاسىن ارتتىرۋ ءۇشىن قۇرىلدى. كەڭەس وتىرىستارى اپتا سايىن سەيسەنبى كۇندەرى وتەدى. ونىڭ قىزمەتى ۇسىنىمدىق سيپاتتا بولادى. كەڭەس قۇرامىنا قالالىق اكىمدىكتىڭ وكىلدەرى، ساۋلەت، قالا قۇرىلىسى جانە قۇرىلىس ىستەرى بويىنشا جەرگىلىكتى اتقارۋشى ورگانداردىڭ، م س ق ب باسقارماسىنىڭ باسشىلارى، سونداي-اق جەتەكشى ساۋلەتشىلەر كىرەدى. 2016 -جىلى قالا قۇرىلىسى كەڭەسىنىڭ 14 -وتىرىسى ءوتتى (29 نوباي جوبا مەن تولىق جوبالاۋدىڭ 72 جوباسىنا ەنگىزىلگەن تۇزەتۋلەر قارالدى).