ريودا العان قازاقستان سپورتشىلارىنىڭ 17 مەدالى تاۋەلسىزدىك مەرەكەسىنە تاماشا تارتۋ بولدى - ەلباسى

استانا. قازاقپارات - ريوداعى وليمپيادادا حالقىمىزدىڭ ورتاق قۋانىشىنا اينالعان 17 مەدال قاستەرلى تاۋەلسىزدىك مەرەكەسىنە تاماشا تارتۋ بولدى. بۇل تۋرالى بۇگىن استانادا جازعى ХХХІ وليمپيادا ويىندارىنىڭ جەڭىمپازدارى مەن جۇلدەگەرلەرىنە قۇرمەت كورسەتۋ سالتاناتتى شاراسىندا ەلباسى نۇرسۇلتان نازاربايەۆ ءمالىم ەتتى.
None
None

«ءبىزدىڭ ساڭلاق سپورتشىلارىمىز ءتورت جىلدا ءبىر رەت كەلەتىن ءدۇبىرلى دودادا ەل سەنىمىن ابىرويمەن اتقاردى. ءبىزدىڭ ءانۇرانىمىزدىڭ «التىن كۇن اسپانى» دەپ باستالۋىنىڭ سيمۆولدىق ءمانى بار. برازيليا اسپانىندا كوكبايراعىمىز ءۇش مارتە بارلىق مەملەكەتتەردەن بيىك كوتەرىلىپ، ءبىزدىڭ ءانۇرانىمىز ءۇش رەت شىرقالدى. تاۋەلسىزدىك تاريحىندا التىنشى وليپياداسىندا قازاقستان 17 مەدالعا يە بولدى. بۇل جاھاندىق جارىستاعى جالپى ءبىز بىرنەشە وليمپاداعا قاتىسىپ ءجۇرمىز، سونىڭ ىشىندەگى ەڭ ولجالى كورسەتكىش بولىپ تابىلادى. وسىلايشا، بۇل ءبىزدىڭ سپورتشىلارىمىزدىڭ، جالپى جاستاردىڭ تاۋەلسىزدىگىمىزدىڭ 25 جىلدىق مەرەيلى بەلەسىنە قوسقان تولاستى تابىسى دەپ بىلەمىز»، - دەدى مەملەكەت باسشىسى «قازاقستان» ورتالىق كونسەرت زالىنداعى سالتاناتتى شارادا.

ق ر پرەزيدەنتى ءبىزدىڭ سپورتىمىز الەمدەگى باسەكەلەستىككە قابىلەتتى ەكەنىن كورسەتتى، ريودا جارقىن جەڭىستەر جاستاردىڭ جۇرەگىن جالىنداتىپ، جاڭا بيىكتەرگە جەتەلەگەنىن اتاپ ءوتتى.

«جاسوسپىرىمدەرىمىز سپورتقا ىنتىعاتىن بولدى، وسكەلەڭ ۇرپاقتىڭ پاتريوتتىق سەزىمى كۇشەيىپ، ميلليونداعان جاستاردىڭ سپورتقا قۇلشىنىسىن ارتتىردى دەپ بىلەمىن. اسقاق ارماندارعا بىرگە ۇمتىلعان تىلەگى ورتاق، ماقساتى ءبىر حالقىمىزدىڭ ىنتىماعى مەن بىرلىگى بۇدان ءارى نىعايا ءتۇستى»، - دەدى ن. نازاربايەۆ.

اۆتور: رۋسلان عابباسوۆ

سوڭعى جاڭالىقتار