ريودا تاەكۆوندوشىلارىمىز جارىستى 17- تامىزدا باستايدى
17- تامىز كۇنى ءبىرىنشى بولىپ جەكپە-جەككە جەرگىلىكتى ۋاقىتپەن 09:00 دە (استانا ۋاقىتىمەن - 18:00) ايەلدەر اراسىندا 49 كەلى سالماقتا اينۇر ەسبەرگەنوۆا شىعادى. فينالدىق باسەكەلەر 20:00 دە (استانا ۋاقىتىمەن 18- تامىز - 05:00) باستالادى.
ەكىنشى تاەكۆوندوشى ارۋىمىز جانسەل دەنيز 19- تامىزدا جەرگىلىكتى ۋاقىتپەن 09:00 دە شارشى الاڭعا شىعادى. العاشقى ىرىكتەۋ سايىستارىنان سۇرىنبەي وتسە، 20:00 دە باستالاتىن (استانا ۋاقىتىمەن 20- تامىز - 05:00) فينالدىق دودادا جۇلدەگە تالاساتىن بولادى.
ال ەرلەر اراسىندا ەل نامىسىن قورعايتىن جالعىز تاەكۆوندوشى ازاماتىمىز رۋسلان جاپاروۆ (80+ كەلى) 20- تامىزدا ساعات 09:00 دە (استانا ۋاقىتىمەن - 18:00) ءوز ونەرىن كورسەتەدى. بۇل سالماقتىڭ جەڭىمپازدارى مەن جۇلدەگەرلەرى 20:00 دە (استانا ۋاقىتىمەن 21- تامىز - 05:00) انىقتالادى.
اۆتور: كۇنسۇلتان وتارباي
