ورالدا ءداستۇرلى ەمەس ءدىني باعىتتى ۇستاناتىن 17 ادام ۇستالدى
يسلامنىڭ ءداستۇرلى ەمەس ءدىني باعىتتارىنىڭ ءبىرىن ۇستاناتىن جەرگىلىكتى ادامداردىڭ وزدەرىمەن ءبىر باعىتتاعى 1994-جىلعى اتىراۋ وبلىسىنىڭ تۇرعىنى م- عا كومەكتەسىپ، بەلگىسىز بىرەۋلەر تارتىپ اكەتتى دەلىنگەن اۆتوكولىگىن كۇشپەن قايتارماق بولعان ارەكەتى تۋرالى جەدەل مالىمەتتى تەكسەردى.
تەرروريزممەن كۇرەس جونىندەگى وبلىستىق شتابتىڭ ب ا ق- پەن بايلانىس توبىنان تۇسكەن مالىمەتكە قاراعاندا، الدىن الا جەدەل ىزدەستىرۋ شارالارى بارىسىندا ءدىني باعىتتى ۇستانبايتىن ورتادان شىققان ادامداردىڭ اۆتوكولىكتى زاڭسىز يەلەنگەنى بەلگىلى بولدى.
كەلەڭسىز كورىنىستەردىڭ الدىن الۋ ماقساتىندا 17 ادام انىقتالدى. ءى ءى د ولاردى 10- ماۋسىم كۇنى ساعات 02:00 دە «بايتەرەك» بازارى جانىنا جينالعان ساتتە ۇستادى. بۇل ادامدار اسان اۋىلىنا قارسى توپپەن كەزدەسۋگە اتتانباق بولعان. ولار مىنگەن اۆتوكولىكتەردەن بەس دانا بەيسبول بيتاسى جانە 1 ارماتۋرا تاركىلەندى.
ۇستالعان ادامدار ورال قالالىق ىشكى ىستەر باسقارماسىنا جەتكىزىلىپ، باستاپقى تەرگەۋ امالدارى جۇرگىزىلۋدە.
باسقا مالىمەتتەر كەيىن بەرىلەتىن بولادى.
اۆتور: ەلجان ەرالى
