استانادا 17 مەكتەپ ءۇش تىلدە ءبىلىم بەرىپ جاتىر
كەشە ق ر پرەمەر- ءمينيسترىنىڭ ورىنباسارى داريعا نازاربايەۆانىڭ استاناداعى № 81 «Astana English School» مامانداندىرىلعان گيمنازياسى مۇعالىمدەرىمەن جانە وقۋشىلارىمەن كەزدەسۋ بارىسىندا استانا قالالىق ءبىلىم باسقارماسىنىڭ باسشىسى ەلميرا سۋحانبەرديەۆا وسىلاي ءمالىم ەتتى.
«قازىرگى كەزدە ەلورداداعى مەكتەپتەردە ءۇش ءتىلدى ءبىلىم بەرۋدى ەنگىزۋ بويىنشا ماقساتتى جۇمىستار ءجۇرىپ جاتىر. ءتيىستى كادرلاردىڭ قاجەتتىلىگىنە مونيتورينگ جاسالۋدا. ءۇش تىلدە ءبىلىم بەرۋگە اۋىسۋدىڭ نورماتيۆتىك- قۇقىقتىق ءادىسنامالىق نەگىزىن جوسپارلى زەرتتەۋ جۇرۋدە. بۇگىندە ءۇش تىلدە ءبىلىم بەرۋدى ەنگىزۋ تۇرعىسىندا قاناتقاقتى مەكتەپتەر رەتىندە 17 وقۋ ورنى ىرىكتەلىندى. بۇل 17 مەكتەپتە پاندەر ءىشىنارا اعىلشىن تىلىندە وتكىزىلەدى، ياعني ماتەماتيكا، بيولوگيا، حيميا، گەوگرافيا پاندەرى اعىلشىنشا وقىتىلۋدا»، - دەدى ول.
سونىمەن قاتار باسقارما باسشىسى قالاداعى ءبىلىم بەرۋ سالاسىنداعى كەيبىر كورسەتكىشتەرگە توقتالدى. جىل سايىن استاناعا ورتاشا ەسەپپەن العاندا مەكتەپ جاسىنداعى 6,5 مىڭ بالا كوشىپ كەلەدى. وسى رەتتە ءبىر مۇعالىمگە 86 وقۋشى تيەسىلى بولادى، ال 2015 -جىلى كوشى- قوندى ەسكەرە وتىرىپ، ەلوردادا بالالاردى ءبىلىم بەرۋمەن قامتۋ 103 پايىزدى قۇرادى.
اۆتور: رۋسلان عابباسوۆ
