لاتۆيا رەسەيمەن اراداعى شەكاراسىنا قۇنى 17 ميلليون ەۋرو تۇراتىن دۋال تۇرعىزىپ جاتىر

بۇل تۋرالى Sputnik اقپارىنا سىلتەمە جاساعان  ras.kz  حابارلادى.

بيىكتىگى 2 مەتر بولاتىن، سىرتىنان 3,3 م م- لىك سىم تارتىلاتىن 90 شاقىرىمدىق دۋال قۇرىلىسى الداعى كوكتەمدە باستالماقشى. مەتالل پانەلدەر جەرگە قاعىلعان بەتون باعاندارعا بەكىتىلەدى.

دۋالدىڭ قۇنى 17 ميلليون ەۋرو تۇراتىنى دا ايتىلىپ جاتىر.

ءبىراق Sputnik لاتۆياداعى قۇرىلىستىڭ باعاسىن دۋالدار جاساپ، ورناتاتىن بىرنەشە فيرماعا حابارلاسىپ، ولارداعى باعالاردى ءبىلدى. وسى ارقىلى مۇنداي بيىكتىك پەن قالىڭدىقتاعى قورشاۋدىڭ مەترى 23-27 ەۋرو تۇراتىنىن انىقتادى.

سوندا 90 شاقىرىمدىق دۋالدىڭ قۇنى 2,5 ميلليون ەۋرو بولاتىنىن ەسەپتەپ شىعارعان. ال قالعان 15 ميلليون قايدا جاراتىلاتىنى ءالى بەلگىسىز.