08:10, 14 - اقپان 2016 | GMT +5
قىتايدا 17 عاسىر بۇرىن ازىرلەنگەن ءتۇشپارا تابىلدى
استانا. قازاقپارات - شىنجاڭ- ۇيعىر ولكەسىندە 1700 جىل بۇرىن جاسالعان تۇشپارا تابىلدى، دەپ حابارلايدى شينحۋا اگەنتتىگى.
تۇرپان قالاسىنىڭ ماڭىنداعى قازبا كەزىندە ارحەولوگتار ءتۇشپارا تاۋىپ الدى. ءۇش ءتۇشپارا شين ديناستياسى كەزىندە جاسالعان (265-420 -جىلدار) ، قالعان ەكەۋى تاڭ ديناستياسى كەزىندە ازىرلەنگەن (618-907 -جىلدار) .
تۇشپارالاردىڭ ۇزىندىعى 5 س م، كولدەنەڭىنەن 1,5 س م جارتىلاي تۋعان ايعا ۇقسايدى. تەكسەرۋ بارىسىندا تاعامنىڭ بيداي ۇنى مەن ەتتەن جاسالعانى بەلگىلى بولدى.
قازىرگى كەزدە قىتايلار ءتۇشپارانى تابىسقا جەتەلەيتىن تاعام دەپ سانايدى. ويتكەنى، ونىڭ ءپىشىنى بۇرىن ۆاليۋتا رەتىندە پايدالانىلعان قايىق سەكىلدى التىن قۇيمالارعا ۇقسايدى.
