وڭتۇستىك قازاقستاندا 17 جاستاعى قىز «ەرەكشە» جولمەن اكەسىنەن اقشا بوپسالادى
ءى ءى د باسپا ءسوز قىزمەتىنىڭ مالىمەتىنشە، 27 -جەلتوقساندا سارى اعاش ا ءى ءى ب پوليتسيا بولىمىنە 40 جاستاعى جەرگىلىكتى تۇرعىن ارىزدانىپ، بوپسالاۋشىلىققا تاپ بولعانىن ايتقان. «زارداپ شەككەن ازامات ءوزىنىڭ كامەلەت جاسقا تولماعان قىزىنىڭ (1998 -جىلعى) ازىق- تۇلىك الۋ ءۇشىن بازارعا كەتىپ، قايتا ورالماعانىن ايتتى. بىرەر ۋاقىتتان كەيىن ونىڭ تەلەفونىنا بەلگىسىز بىرەۋدەن حابارلاما كەلگەن، وندا قىزىن بوساتۋ ءۇشىن بىرەۋلەر اقشا تالاپ ەتكەن»، - دەدى باسپا ءسوز قىزمەتىندەگىلەر.
بۇل دەرەك سارى اعاش ا ءى ءى ب سوتقا دەيىنگى تەرگەۋدىڭ ءبىرىڭعاي رەەسترىنە تىركەلدى. ق ر ق ك 125-بابى "ادام ۇرلاۋ" بويىنشا قىلمىستىق ءىس قوزعالدى.
پوليتسەيلەر جوعالىپ كەتكەن قىزدىڭ قايدا ەكەنىن انىقتادى. ول شىمكەنتتەگى رەسپۋبليكا داڭعىلىندا ورنالاسقان ۇيلەردىڭ بىرىندە جالدامالى پاتەردەن تابىلدى. كەيىن ونى ەشكىمنىڭ ۇرلاماعانى انىقتالدى.
قىز ءوزىن بىرەۋلەر ۇرلاپ اكەتتى دەپ ويدان شىعارعان. «ول ينتەرنەت ارقىلى تانىسقان جىگىتكە بارىپ، اقشا الۋ ماقساتىندا ونىڭ تەلەفونىنان اكەسىنە حابارلاما جولداعان. كامەلەت جاسىنا تولماعان قىز ەش جەردە وقىمايدى جانە جۇمىس ىستەمەيدى، سونىمەن قاتار، وسىعان دەيىن ۇيدەن قاشقان»، - دەدى دەپارتامەنتتەگىلەر.
قازىر پوليتسەيلەر وقيعانىڭ ءمان- جايىن انىقتاپ جاتىر.
