دەسانتشىلار مي-17 تىكۇشاعىنان پاراشيۋتسىز ءتۇسۋدى ورىندادى - فوتو
وقۋ جاتتىعۋىن 120 دەسانتشى ورىندادى.
دەسانتتىق-شابۋىلداۋ بريگاداسىندا ايتقانداي مۇنداي سەكىرۋلەر ۇرىس الاڭىندا دەسانتتاۋدىڭ، جۇكتى جەتكىزۋدىڭ، قول جەتپەس جەردەن زارداپ شەككەندەردى كوشىرۋدىڭ ەڭ جىلدام تاسىلدەرىنىڭ ءبىرى بولىپ تابىلادى. اۋە كەمەسى، بۇل جاعدايدا مي-17 تىكۇشاعى 10-15 مەتر بيىكتىككە تۇسىرىلەدى، شىعارىلعان ارقان ارقىلى اسكەري قىزمەتشىلەر بىرىنەن كەيىن ءبىرى بەرىلگەن اۋماققا شوعىرلانادى.
مۇنداي ءتۇسۋدى ورىنداۋ ءۇشىن جاۋىنگەرلەردىڭ دەنە دايارلىعى جاقسى قالىپتا بولۋى ءتيىس. دارمەندى قول مەن بىلەكتى يىق، ءوزىنىڭ دەنەسىنە تولىققاندى يە بولۋ، مورالدىق جانە پسيحولوگيالىق ازىرلىكسىز ارقان بويىنشا شوعىرلانۋ مۇمكىن ەمەس.
ق ر ق ك اەروۇتقىر اسكەرلەرىنىڭ 36- دەسانتتىق-شابۋىلداۋ بريگاداسىندا پاراشيۋتسىز دەسانتتاۋ 2013-جىلدان باستاپ ءىس جۇزىندە ءساتتى قولدانىلىپ ءجۇر. دەسانتشىلار ارقانمەن نەمەسە پاراشيۋتپەن بولسىن اپتاسىنا ءبىر رەت سەكىرەدى. ءاربىر جاتتىعۋدى جاساماس بۇرىن پسيحولوگيالىق تەست جانە سەكىرۋ ەلەمەنتتەرىنىڭ جەرۇستى پىسىقتاۋدى تاپسىرادى.
ارقان ارقىلى ءتۇسۋ قاراپايىم جانە كۇردەلى بولىپ بولىنەدى.
قاراپايىم ءتۇرى جەردەگى جەلدىڭ جىلدامدىعى 10 م/س دەيىن كەزدە دايىندالعان الاڭدا كۇندىزگى ۋاقىتتا، ال كۇردەلىسى ورماندى جەرگە، سۋعا، مۇزعا، تەڭىز كەمەسى نەمەسە قايىعىنا، عيمارات شاتىرىنا، سونداي-اق تۇندە جەلدىڭ جىلدامدىعى 10 م/س جوعارى بولعان شاقتا قۇتقارۋ كەرەك-جاراعىمەن ورىندالادى.
