13:24, 10 - شىلدە 2015 | GMT +6
تەگىن كيىم تاراتۋ كەزىندەگى كەپتەلىستەن 17 ادام قازا تاپتى
استانا. قازاقپارات - ەلدىڭ سولتۇستىگىندە ميمەنسينگح قالاسىندا تەگىن كيىم ۇلەستىرىپ جاتقان كەزدە كەپتەلىستەن كەم دەگەندە 17 ادام قايتىس بولدى، دەپ حابارلادى جەرگىلىكتى پوليتسيا.
وقيعا جەرگىلىكتى تەمەكى فابريكاسىنىڭ يەسى كەدەي-كەپشىككە كيىم تاراتاتىنى جايلى حابارلاعاننان كەيىن ورىن الدى.
فابريكا عيماراتىنىڭ الدىنا بىرنەشە جۇزدەگەن حالىق جينالىپ، تار قاقپانىڭ ماڭىندا كەپتەلىس جاسادى.
قازىر پوليتسيا فابريكا يەسىن قوسقاندا، جەتى ادامدى تۇتقىنعا الدى. بيلىك قازا تاپقانداردىڭ سانى ارتۋى مۇمكىن دەپ قاۋىپتەنۋدە.
رامازان ايى ۋاقىتىندا باي بانگلادەشتىكتەر ءجيى كەدەي تۇرعىندارعا تەگىن كيىم تاراتادى.
