قاتارىنان 17 قىزبەن جۇرگەن جىگىت قاماۋعا الىندى
«وتىرىكتىڭ قۇيرىعى ءبىر-اق تۇتام» دەمەكشى، الاياق جىگىتتىڭ بىلىعى ەكى اي بۇرىن، ءوزى جول اپاتىنا تۇسكەن كەزدە انىقتالعان ەكەن. جىگىت جول اپاتىنا تۇسكەن كەزدە، اۋرۋحاناداعى قىزمەتكەرلەر «جاقىندارىنىڭ» بارلىعىنا حابارلاسىپ شىققان كورىنەدى. ءسويتىپ، 17 قىز «جالعىز مەنىڭ عاشىعىم» دەپ جۇرگەن جىگىتتىڭ جانىنا جينالعاندا، ايتارعا ءسوز تاپپاعان، دەپ جازادى BBC.
يۋان وسى 17 قىزدىڭ كەيبىرەۋىمەن ۇزاق جىلدار بويى قارىم-قاتىناستا بولعان. ولاردىڭ اراسىندا تۇرمىسقا شىعامىن دەپ دايىندالىپ جۇرگەندەرى، ءتىپتى، دۇنيەگە ءسابي اكەلگەندەرى دە بار.
«جول اپاتى بولدى دەگەن كەزدە، قاتتى قورقىپ كەتتىم. مەن يۋانمەن ءبىر جارىم جىلدان بەرى كەزدەسىپ ءجۇرمىن. ءبىراق، پالاتاعا باسقا بوتەن قىزدار كەلە باستاعاندا، ونى اياماق تۇگەلى، كوزىمنەن جاس شىققان جوق»، - دەيدى الدانىپ قالعان قىزداردىڭ ءبىرى سياو لي.
قىتايدىڭ باسپا ءسوز وكىلدەرى حابارلاعانداي، الدانىپ قالعان ارۋلار عالامتوردا «يۋانعا قارسى كەك الۋ اليانسىن» قۇرىپتى. وسى توپتاعى اڭگىمەلەردىڭ ارقاسىندا انىقتالعانداي، جىگىت ءاربىر «عاشىعىنان» اي سايىن اقشا الىپ وتىرعان ەكەن.
كەنجەكەي توقتامۇرات
