استانا مەن ماسكەۋدە وتەتىن شەرۋگە وڭتۇستىك قازاقستاننان 17 ارداگەر اتتاندى - فوتو
شەرۋگە قاتىساتىنداردى وبلىس اكىمىنىڭ ورىنباسارى س. قانىبەكوۆ جەڭىستىڭ 70 جىلدىعىمەن قۇتتىقتاپ، مايدانگەرلەرگە اق جول تىلەدى.
استانا مەن ماسكەۋگە باراتىن جەڭىس ارداگەرلەرىن تەمىرجول ۆوكزالىنىڭ پەررونىندا ويناپ تۇرعان ۇرلەمەلى اسكەري وركەسترمەن تۋىستارى، قاتارلاستارى مەن جاستار شىعارىپ سالدى. ەلوردادا وتەتىن ۇلى جەڭىستىڭ 70 جىلدىعىنا ارنالعان مەرەكەلىك شارالارعا وڭتۇستىك قازاقستان وبلىسىنان 16 ارداگەر قاتىسپاق. ال، ماسكەۋدەگى شەرۋگە باراتىن قازاقستاندىق دەلەگاتسيادا التى ارداگەر بولسا، سونىڭ ءبىرى شىمكەنتتىك 91 جاستاعى ارداگەر تۋلەبەكوۆ قاراتاي. ولاردى وبلىستىق باسقارمالاردىڭ وكىلدەرى مەن مەديتسينا قىزمەتكەرلەرى الىپ جۇرەدى. شەرۋگە قاتىسۋشى ارداگەرلەرگە دەمەۋشىلەردىڭ كومەگىمەن بارلىعىنا بىردەي كيىم تىكتىرىلدى. وبلىستا بۇگىنگى تاڭدا 427 مايدانگەر مەن 21779 تىل ەڭبەككەرى ارامىزدا عۇمىر كەشۋدە، دەپ حابارلايدى و ق و اكىمىنىڭ باسپا ءسوز قىزمەتى.
