قىتايدا ءبىر جىگىت ءبىر مەزگىلدە 17 ايەلمەن قاتار جۇرگەن

استانا. قازاقپارات - قىتايدا تۇراتىن يۋان ەسىمدى جاس جىگىت اۆتوموبيل اپاتىنا ۇشىراپ، اۋرۋحاناعا تۇسكەن كەزىندە وتە ءبىر قولايسىز جاعدايعا تاپ كەلدى.

ەمدەۋ ورنىنا ونىڭ دەنساۋلىعىن سۇراپ، ءبىر مەزگىلدە 17 ايەل كەلگەن كەزدە جۇرگىش جىگىتتىڭ بار قۇپيا سىرى اشىلىپ قالدى.

بۇل تۋرالى China Daily جازدى.

اۋرۋحانادا اشكەرە بولعان «قىتاي دون جۋانىنىڭ» ءبىراز ۋاقىتتان بەرى جاستارى 20 دان 40 قا دەيىنگى 17 قىز-كەلىنشەكپەن ءبىر مەزگىلدە تۇراقتى تۇردە قاتىناس جاساپ تۇراتىنى ايعاقتالدى.

بالكىم، ءبارى دە بىلىنبەي كەتە بەرەر مە ەدى، ەگەر يۋانگە كەلگەن حانىمداو سول جەردە ءبىر- بىرلەرىمەن تانىسا باستاماعاندا... ناتيجەسىندە كەلىنشەكتەردىڭ بىرەۋلەرىنىڭ ونىمەن ماحاببات قۇرا باستاعاندارىنا 10 دان اسىپ كەتسە، ءبىر كەلىنشەكتىڭ ودان بالا تۋىپ وتىرعانى، تاعى بىرەۋى جاقىندا «ۇيلەنىپ قالامىز» دەگەن دامەمەن جۇرگەنى بەلگىلى بولدى.

China Daily گازەتى جازعانداي، جاس جىگىتتىڭ بۇلايشا قىز-قىرقىنعا قىرعيداي ءتيىپ جۇرگەنىنىڭ ءبىر عانا سەبەبى بولعان، ول «بولاشاق جۇبايلارىنىڭ» ەسەبىنەن كۇن كورىپ، ءناپاحاسىن ايىرىپ كەلگەن.

ماسەلەن، بۇلاردىڭ بىرەۋىمەن اجىراسقان كەزىندە نەكە بۇزۋ ءۇشىن كەرەك دەگەن جەلەۋمەن اقشا الىپ كەتكەن. ال قالعان قالىڭدىقتارىنان ونداعان مىڭ قىتاي ۆاليۋتاسىن الىپ تۇرعان. جىلپوس وسى الاياقتىق ارەكەتتەرى ءۇشىن زاڭ الدىندا جاۋاپ بەرگەلى جاتىر.

ال اتالمىش وقيعا قىتاي قوعامىندا قاتتى تالقىلاۋعا ءتۇسىپ كەتىپتى. ولاردىڭ ءبىر بولىگى جىگىتتىڭ ارەكەتىن اقتاپ اۋرەگە تۇسسە، كەلەسى بولىگى قارالاپ باعۋدا.

«ەگەمەن قازاقستان»