ەكى كۇن ىشىندە ىزدەۋدە جۇرگەن 17 قىلمىسكەر ۇستالدى

استانا. قازاقپارات - تاۋەلسىز مەملەكەتتەر دوستاستىعى ەلدەرىنىڭ ءى ءى م قول جەتكىزگەن كەلىسىمىنە سايكەس، تەرگەۋدەن، انىقتاۋ مەن سوتتان جاسىرىنىپ جۇرگەن قىلمىسكەرلەردى، حابارسىز جوعالىپ كەتكەن ازاماتتاردى ىزدەستىرۋ، كىم ەكەنى بەلگىسىز مايىتتەردى انىقتاۋ جۇمىستارىن جانداندىرۋ ماقساتىندا اعىمداعى جىلدىڭ 11-12- ناۋرىزى كۇندەرى ق ر ءى ءى م كولىكتەگى ءى ءى د قىزمەت كورسەتۋ اۋماعىندا «ىزدەستىرۋ» جەدەل-الدىن الۋ شاراسى ءوتتى.

بۇل تۋرالى كولىكتەگى ءى ءى د باسپا ءسوز قىزمەتى حابارلادى.

«جەدەل-الدىن الۋ شاراسى بارىسىندا حابارسىز كەتكەن 3 ازاماتتىڭ تۇرعىلىقتى مەكەن- جايى انىقتالدى، ىزدەۋدە جۇرگەن 17 قىلمىسكەر ۇستالدى. ونىڭ 4 ەۋىنە ت م د ەلدەرىنىڭ ىشكى ىستەر ورگاندارى ىزدەۋ سالعان»، - دەدى ق ر ءى ءى م ك ءى ءى د كريمينالدىق پوليتسيا باسقارماسىنىڭ باستىعى داۋلەت ماقسۇتوۆ.

ونىڭ ايتۋىنشا، ت م د ەلدەرىندە ق ر اۋماعىندا قىلمىس جاساعان 2 قىلمىسكەر انىقتالىپ، ۇستالعان. ونىڭ بىرەۋى قىرعىزستان ازاماتى. سونىمەن قاتار 2 ءمايىتتىڭ جەكە مالىمەتتەرى انىقتالدى.

ماسەلەن، جەدەل-الدىن الۋ شاراسى بارىسىندا اقتوبە ستانتسياسىنداعى ىشكى ىستەر جەلىلىك ءبولىمىنىڭ قىزمەتكەرلەرى 2000-جىلدان بەرى مەملەكەتارالىق ىزدەستىرىلۋدە جۇرگەن 57 جاستاعى ازاماتتى ۇستادى.

بارلىق حابارسىز جوعالىپ كەتكەن ازاماتتار مەن ۇستالعان قىلمىسكەرلەر تۋرالى اقپارات ىزدەۋگە باستاماشى بولعان ورگاندارعا حابارلاندى. ءىشىنارا كەيبىرەۋلەرىنە بۇلتارتپاۋ شاراسى قولدانىلدى.