11:02, 31 - جەلتوقسان 2014 | GMT +5
قىتايدىڭ ماشينا جاساۋ زاۋىتىندا جارىلىس بولىپ، 17 ادام قازا تاپتى
استانا. قازاقپارات - گۋاندۋن پروۆينتسياسىنىڭ فوشان قالالىق وكرۋگىندە ورنالاسقان ماشينا جاساۋ زاۋىتىندا جارىلىس بولدى.
جەرگىلىكتى ب ا ق-تىڭ حابارلاۋىنشا، وقيعا سالدارىنان كەم دەگەندە 17 ادام قازا تاۋىپ، 20 ادام اۋىر جاراقاتتارمەن اۋرۋحاناعا جاتقىزىلعان.
كۋاگەرلەردىڭ ايتۋىنشا، كاسىپورىن اۋماعىندا بىرىنەن سوڭ ءبىرى ءۇش قاتتى دىبىس شىعىپ، ودان كەيىن قالىڭ ءتۇتىن شىقتى. فابريكا سەحتارىنىڭ ءبىرىنىڭ شاتىرى قۇلادى. زارداپ شەككەندەر تۋرالى ازىرشە حابارلانعان جوق.
وقيعا ورنىنا پوليتسەيلەر مەن مەديتسينالىق قىزمەتكەرلەر كەلىپ جەتتى. قازىرگى ۋاقىتتا بولعان وقيعانىڭ سەبەپتەرى انىقتالۋ ۇستىندە.
