وبامانى 17 شتاتتىڭ كواليتسياسى سوتقا بەردى

استانا. قازاقپارات - ا ق ش- تىڭ 17 شتاتىنىڭ كواليتسياسى ەل پرەزيدەنتى باراك وبامانى سوتقا بەردى. مەملەكەت باسشىسى كوشى-قون رەفورماسىن كونگرەستىڭ قولداۋىنسىز بەكىتتى دەپ ايىپتالۋدا. پرەزيدەنتتىڭ ۇستىنەن ەڭ ءبىرىنشى بولىپ ارىزدى تەحاس شتاتىنىڭ كواليتسياسى تۇسىرگەن دەپ حابارلايدى Reuters.

«پرەزيدەنت زاڭدى بەلگىلەنگەن تارتىپپەن جۇزەگە اسىرۋدان باس تارتتى. اتالعان زاڭ الدىمەن كونگرەستىڭ قاراۋىنا جىبەرىلۋى كەرەك بولاتىن. وباما كونگرەستىڭ قولداۋىنسىز كوشى-قون رەفورماسى تۋرالى جارلىققا قول قويا المايدى» دەيدى تەحاس شتاتىنىڭ باس پروكۋرورى گرەگ ەببوت.

بەلگىلى بولعانداي، كواليتسياعا رەسپۋبليكاشىلدار نەگىزىن قالايتىن الاباما، ايداحو، ميسسيسيپي جانە يۋتا شتاتتارى كىرگەن.

ەستەرىڭىزگە سالايىق، 22- قاراشا كۇنى باراك وباما 5 ميلليونداي بوسقىننىڭ پايداسىنا كوشى-قون تۋرالى رەفورمانى بەكىتكەن بولاتىن. ياعني، اتالعان زاڭ اياسىندا ەلدە زاڭسىز جۇرگەن ازاماتتار كەرى قايتارىلمايدى. «بۇل توپقا ا ق ش-تا بەس جىلدان بەرى تۇرىپ كەلە جاتقان ازاماتتار، ا ق ش-تا بالالى بولعان ازاماتتار جانە ا ق ش-قا كىشكەنتاي بالا كەزىندە كەلگەن ازاماتتار جاتادى» دەدى وباما زاڭعا قول قويار الدىندا.

Baq.kz