07:18, 22 - قازان 2014 | GMT +5
نوبەل سىيلىعىنىڭ يەگەرى 17 جاستاعى قىزعا كانادانىڭ قۇرمەتتى ازاماتى اتاعى بەرىلمەك
استانا. قازاقپارات - كانادا پارلامەنتى نوبەل سىيلىعىنىڭ يەگەرى، پاكىستاندىق قۇقىق قورعاۋشى مالالا يۋسۋفزايگە «كانادانىڭ قۇرمەتتى ازاماتى» اتاعىن بەرۋدى ءبىراۋىزدان قولدادى، دەپ حابارلادى «تاسس» اگەنتتىگى.
17 جاستاعى قىزعا مۇنداي قۇرمەت ونىڭ ايەلدەر مەن قىزداردىڭ قۇقىعىن قورعاۋداعى قايسارلىعى ءۇشىن بەرىلگەلى وتىر. يۋسۋفزاي بۇگىن تورونتو قالاسىندا وتەتىن ايەلدەر قۇقىعىن قورعاۋعا ارنالعان كونفەرەنتسياعا قاتىسادى.
الدىن الا بەلگىلى بولعان جوسپار بويىنشا، جيىنعا كانادا پرەمەر-ءمينيسترى ستيۆەن حارپەر بارادى.
«كانادانىڭ قۇرمەتتى ازاماتى» - سيمۆوليكالىق سىيلىق، ونى العان ادامعا كانادانىڭ ازاماتتىعى بەرىلمەيدى جانە ول شەتەلدىكتەرگە ارنالعان. م. يۋسۋفزايگە دەيىن مۇنداي قۇرمەت نەلسون ماندەلا مەن دالاي لاما XIV كورسەتىلگەن.
