ءۇش بالانىڭ اناسى 17 كۇننەن كەيىن ورماننان تابىلدى
ءۇش بالانىڭ اناسى، 30 جاستاعى شەننون لي فرەيزەر ەكى ەر اداممەن بىرگە، ونىڭ بىرەۋى - ازاماتتىق نەكەدەگى كۇيەۋى - گولدان حوۋل دەگەن جەرگە سۋعا شومىلۋعا بارعان.
ايەل ەر ادامداردان ءبولىنىپ كەتكەن، ءبىراق تا ماشيناعا كەرى ورالماعان، بۇل جونىندە سەرىكتەرى دابىل كوتەردى، دەپ حابارلادى كۆينسلەندى پوليتسياسى.
ايەلدىڭ تۋىستارىنىڭ ايتۋىنشا، شەننون ورماندا وزەننەن سۋ ىشكەن، ۇساق بالىقتارمەن جانە جاندىكتەرمەن قورەكتەنگەن، - ويتكەنى ونىڭ وزىمەن بىرگە الا شىققان تاعامى بولماعان. ونىڭ جابايى جانۋارلاردان، سونىڭ ىشىندە قولتىراۋىننان دا قورعانۋىنا تۋرا كەلگەن.
قازىر ول اۋرۋحانادا ەمدەلىپ جاتىر. شەننوننىڭ ازاماتتىق نەكەدەگى كۇيەۋىنىڭ ايتۋىنشا، ونىڭ دەنەسىن تىرتىق باسقان. «ونىڭ قالاي ءتىرى قالعانىنا تاڭعالامىن»، - دەدى ەرى.
شەننوندى ىزدەۋگە پوليتسيا جانە قۇتقارۋ قىزمەتى جۇمىلدىرىلدى، ونى تىكۇشاقپەن دە ىزدەدى - ىزدەۋ توپتارى ءتۇرلى-ءتۇستى ماركەرلەر لاقتىردى، سونىڭ ارقاسىندا ول ورماننان شىقتى، قۇتقارۋشىلار ونى جوعالىپ كەتكەن ورنىنان 30 مەتر جەردەن تاۋىپ الدى.
بۇرىن سالماعى 90 كەلى بولاتىن ول وسى كەزدە 16 كەلى سالماق جوعالتقان.
پوليتسيا بولعان وقيعانىڭ ءمان-جايىن تەكسەرۋدە، دەگەنمەن قۇقىق قورعاۋ ورگاندارى وكىلدەرىنىڭ ايتۋىنشا، ونىڭ جوعالىپ كەتۋىندە قىساستىق سياقتى قانداي دا ءبىر كۇدىكتى جاعداي بولماعان.
