بيىل قازاقستاندا 17 ميلليون توننا استىق جينالادى
«ءبىز 17 ميلليون تونناعا شىققالى وتىرمىز. مەملەكەتتىڭ بيدايعا دەگەن سۇرانىسى - 6 ميلليون تونناعا جۋىق - سونى ەسكەرگەندە بۇل ءوزىمىزدى قامتاماسىز ەتۋگە جانە 7 ميلليون تونناداي ەكسپورتتىق الەۋەتكە يە بولۋعا جەتكىلىكتى»، - دەدى ول ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە.
ول اۋا رايى جاعدايىنا بايلانىستى سوڭعى ەكى-ءۇش كۇندە استىق جيناۋ جۇمىستارىنىڭ ۋاقىتشا توقتاتىلعانىن ايتتى. «اقتوبە، جامبىل، باتىس قازاقستان، وڭتۇستىك قازاقستان وبلىستارىندا استىق جيناۋ ناۋقانى اياقتالدى. وراق شىعىس قازاقستان، قاراعاندى وبلىستارىندا اياقتالۋعا تايادى. استىق بەرىپ جاتقان ولكەلەر، نەگىزىنەن، قوستاناي، سولتۇستىك قازاقستان جانە اقمولا وبلىستارى، بۇل وڭىرلەردە وراق ناۋقانى ءالى جالعاسىپ جاتىر»، - دەدى حاسەنوۆ.
كومباين پاركى سانىن، جانار-جاعارماي قورىن، ەليەۆاتورلار مەن قۇرعاتۋ شارۋاشىلىقتارىن ەسكەرگەن كەزدە استىق جيناۋدى ءارى كەتكەندە ەكى اپتا ىشىندە اياقتاۋعا مۇمكىندىك بار. حاسەنوۆتىڭ ايتۋىنشا، بيىل ونىمدىلىك وتكەن جىلمەن سالىستىرعاندا، 1,2 تسەنتنەرگە تومەن، ءبىراق استىقتىڭ ساپاسى جاقسى.
«ەليەۆاتورعا تاپسىرىلعان 1,7 ميلليون توننا استىقتىڭ 1,5 ميلليونى - ءۇشىنشى كلاسقا سايكەس كەلەتىن ءونىم. بۇل - وتە جاقسى كورسەتكىش. ارينە، اۋا رايى ازداعان قاۋىپ تۋعىزىپ وتىر. سوعان قاراماستان، بۇدان دا اۋىر جىلداردىڭ ايتا كەتۋ كەرەك. بۇل - توسىن جاعداي ەمەس، سوندىقتان استىقتى باستىرىپ، قاجەت جاعدايدا كەپتىرە بەرۋ قاجەت»، - دەدى ول.
اۆتور: التىناي جۇمجۋمينا
