12:00, 04 - شىلدە 2014 | GMT +5
تۇرمەدەن 17 جىل بۇرىن قاشىپ كەتكەن قىلمىسكەر ەكىباستۇز پوليتسياسىنا ءوز اياعىمەن كەلدى
استانا. قازاقپارات - 17 جىل بۇرىن تۇرمەدەن قاشىپ كەتكەن ەر ادام ءوز ەركىمەن ەكىباستۇز پوليتسياسىنا كەلدى، دەپ حابارلادى ءى ءى م قىلمىستىق اتقارۋ كوميتەتىنىڭ باسپا ءسوز قىزمەتى.

«سوتتالۋشىنىڭ قاۋىپسىزدىك ەرەجەلەرىن بۇزىپ، كولىك قۇرالدارىن پايدالانعانى ءۇشىن پاۆلودار وبلىسىنىڭ شىدەرتى كەنتىندەگى تۇزەتۋ مەكەمەسىندە 6 جىل جازاسىن وتەگەنى انىقتالدى.
1997 - جىلدىڭ كۇزىندە ول جازادان سىتىلىپ، بەلگىسىز باعىتتا ءىزىن جاسىرعان»، - دەپ حابارلادى ق ا ج ك باسپا ءسوز قىزمەتى.
قازىر ول ۋاقىتشا ۇستاۋ وقشاۋلاعىشىنا قامالدى. پروتسەسسۋالدىق شەشىم قابىلداۋ ماسەلەسى شەشىلىپ جاتىر.
وسى جازادان بۇلتارعان كەزدەن باستاپ ق ر- دا ءىستى بولعاندارعا بىرنەشە راقىمشىلىق جاريالاندى. قاماۋعا الىنعان ادامعا دا راقىمشىلىق جاسالۋى مۇمكىن، دەپ اتاپ ءوتتى ءى ءى م ق ا ج ك.