تۇركياداعى ءزىلزالا ايماعىندا 1797 تۇرعىن ءۇيدىڭ قۇرىلىسى باستالدى
«ۇكىمەتىمىز 1 جىل ىشىندە تۇراقتى باسپانالار سالۋ بويىنشا شارالار قابىلدايدى. قازىرگى تاڭدا جەر سىلكىنىسى ايماعىندا 1797 تۇرعىن ءۇيدىڭ قۇرىلىسى باستالدى. ناۋرىز ايىندا 270 مىڭ تۇرعىن ءۇي قۇرىلىسىن باستاۋ جوسپارلانىپ وتىر»، - دەدى ۋفۋك ەكيدجي.
ەلشى دەرەگىنشە، بىرنەشە باسپاناسى بار تۇرعىندار زارداپ شەككەندەردى بوس تۇرعان ۇيلەرىنە ۋاقىتشا ورنالاستىرعان.
«وسى شارالاردان باسقا، حالقىمىز جۇمىلىپ، ءتۇرلى ناۋقان ۇيىمداستىرا باستادى. «ءۇيىڭ مەنىڭ ءۇيىم بولسىن» باستاماسىمەن بىرنەشە ءۇيى بار ازاماتتارىمىز جەر سىلكىنىسىنەن زارداپ شەككەن كىسىلەرگە باسپانالارىن ۋاقىتشا بەرىپ جاتىر»، - دەپ ءمالىم ەتتى ەلشى.
ەلشى بريفينگ بارىسىندا زارداپ شەككەندەرگە كومەك رەتىندە قازاقستاندىقتار 5 ميلليون دوللار جيناعانىن ايتىپ، العىس ءبىلدىردى.
سونىمەن قوسا، بۇگىنگە دەيىن جەر سىلكىنىسىنەن قيراعان جانە قۇلاۋ الدىندا تۇرعان 156 مىڭ عيمارات انىقتالعانىن ءمالىم ەتتى.
ەسكە سالايىق، 6- اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينتسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
