ىستانبۇلداعى ۇشاق اپاتىنان 179 ادام زارداپ شەگىپ، 3 جولاۋشى قايتىس بولدى
Pegasus Airlines اۋە كومپانياسىنا تيەسىلى ۇشاق يزمير- ىستانبۇل باعىتىندا ۇشقان. قونعاننان كەيىن لاينەر ۇشۋ- قونۋ جولاعىنان شىعىپ كەتكەن.
ءورت سوندىرۋشىلەر ۇشاقتان شىققان ءورتتى دەرەۋ ءسوندىرىپ ۇلگەردى. جولاۋشىلار ەۆاكۋاتسيالاندى.
وقيعا ورنىنان تۇسىرىلگەن سۋرەتتەرگە قاراعاندا، ۇشاق ۇشكە ءبولىنىپ كەتكەن.
تۇركيانىڭ كولىك جانە ينفراقۇرىلىم ءمينيسترى جاحيت تۋرحاننىڭ ايتۋىنشا، ۇشاق بورتىندا 177 جولاۋشى (ەكى بالانى قوسقاندا) جانە التى ەكيپاج مۇشەسى بولعان.
تۇركيانىڭ دەنساۋلىق ساقتاۋ ءمينيسترى فاحرەتتين قوجانىڭ ايتۋىنشا، زارداپ شەككەن 179 ادامعا مەديتسينالىق كومەك كورسەتىلدى، وقيعا كەزىندە ءۇش ادام قايتىس بولدى.
قازىر ۇشاق اپاتىن تەرگەۋ باستالدى.
ەسكە سالا كەتسەك، كەشە سابيحي گوكچەن اتىنداعى اۋەجايدا يزمير- ىستانبۇل باعىتىنداعى لاينەر ۇشۋ- قونۋ جولاعىنان شىعىپ كەتىپ، ورتەنگەن بولاتىن.
