شىمكەنتتىك جۇرگىزۋشى جارتى جىلدا 178 رەت جول ەرەجەسىن بۇزعان
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى اتىعاي ارىستانوۆ ايتتى، دەپ حابارلايدى قازاقپارات ءتىلشىسى.
«بىلتىر شىمكەنت قالاسى بويىنشا 1000-نان استام كامەرا ورناتىلدى. ءبىر جىلدىڭ ىشىندە جول قوزعالىسى ەرەجەسىن بۇزۋ فاكتىلەرىنىڭ 70 پايىزىن وسى كامەرالار تىركەدى. شىمكەنتتىك جۇرگىزۋشىلەرگە سالىنعان ايىپپۇلدار مولشەرى 2,2 ميلليارد تەڭگە بولدى. مىسالى، جارتى جىلدىڭ ىشىندە 178 رەت جول قوزعالىسى ەرەجەسىن بۇزعان جۇرگىزۋشى انىقتالدى. ونىڭ ايىپپۇلدارىنىڭ جالپى سوماسى 4,5 ميلليون تەڭگە بولعان»، - دەدى اتىعاي ارىستانوۆ.
ول اتالعان ءوڭىردىڭ جۇرگىزۋشىلەرىن جولداردا ابايبولۋعا شاقىردى. كوميتەت ءتوراعاسىنىڭ ايتۋىنشا، تسيفرلىق تەحنولوگيالاردىڭ كومەگىمەن جول ەرەەسىنىڭ ساقتالۋىنا ۇلەس قوسىپ جۇرگەن قاراپايىم ازاماتتاردىڭ قاتارى ارتىپ كەلەدى.
«مىسالى، «102» موبيلدىك قوسىمشاسىن ىسكە قوستىق. بۇل قوسىمشا ارقىلى ازاماتتار اۋديو- نەمەسە بەينە قوڭىراۋ شالۋ ارقىلى ىشكى ىستەر ورگاندارىنا جۇگىنە الادى، ۋاكىلەتتى ورگانعا اكىمشىلىك قۇقىق بۇزۋ فاكتىلەرىن دالەلدەيتىن فوتولار مەن بەينەماتەريالدار جولداۋعا بولادى»، - دەدى ءى ءى م وكىلى. وسى شارادا اتىعاي ارىستانوۆ جىل باسىنان بەرى 2600 جول- كولىك وقيعاسى بولىپ، 410 ادام كوز جۇمعانىن ءمالىم ەتتى.
