الماتى پوليتسياسى 178 شەتەل ازاماتتىن ەلىنە قايتاردى
قالالىق ءى ءى د 24- شىلدەدەن باستالعان «ميگرانت» پروفيلاكتيكالىق شاراسىنىڭ قورىتىندىسىن جاريالادى. اپتالىق ناتيجەسىندە 1 مىڭ 65 ازامات اكىمشىلىك جازاعا تارتىلدى. ونىڭ 178 ءى ەلدەن شىعارىلدى. «سوت شەشىمىمەن ەلدەن 178 شەتەلدىك ازامات ق ر كوشى قون تۋرالى زاڭنامانى بۇزعانى ءۇشىن سىرتقا شىعارىلدى. شەتەل ازاماتتارىن زاڭسىز جۇمىسقا العانى ءۇشىن 34 جۇمىس بەرۋشى جاۋاپقا تارتىلدى»، - دەدى قالالىق ءى ءى د كوشى-قون باسقارماسى باسشىسىنىڭ ورىنباسارى جاندوس تۇرىسبەكوۆ.
ال ءى ءى د- ءنىڭ قابىلداۋ بولىمدەرىنىڭ 432 شەتەلدىك ازامات جەتكىزىلگەن. سونىمەن قاتار، شەتەلدىكتەر زاڭسىز جۇمىس جاسايتىن قوعامدىق ورىندار تەكسەرىلدى. «جىل باسىنان بەرى الماتىدا 212 مىڭ شەتەلدىك ازاماتتىڭ ىشىندە كوشى-قون تۋرالى زاڭنامانى بۇزعان 21 مىڭ ادام اكىمشىلىك جازاعا تارتىلدى، 1756 ادام قامالدى، 1266 ادام ەلىنە قايتارىلدى»، - دەدى جاندوس تۇرىسبەكوۆ.
