الەمدەگى ەڭ جايلى قالالار رەيتينگىندە الماتى 177-ورىندا تۇر
«Mercer» حالىقارالىق كونسالتينگ كومپانياسى جىل سايىن ءومىر سۇرۋگە ەڭ قولايلى قالالاردىڭ رەيتينگىن جاريالايدى (Quality of living city ranking). وسى رەيتينگتەگى بارلىق قالالار مىناداي كورسەتكىشتەردىڭ ماڭىزدى توپتارى بويىنشا باعالانادى: الەۋمەتتىك ورتانىڭ ساپاسى، مادەني ءومىر، ساياسي تۇراقتىلىق دەڭگەيى، ءبىلىم دەڭگەيى، كولىككە قولجەتىمدىلىك، بيزنەس ءۇشىن تارتىمدىلىق. جالپى، «Mercer» اگەنتتىگى الەمدەگى ەڭ تانىمال 200 دەن استام قالانىڭ ءومىر ءسۇرۋ ساپاسىن باعالايدى. قازاقستان شاھارلارىنان بۇل رەيتينگتە تەك الماتى بار. ول الەمنىڭ 231 قالاسى اراسىندا 177-ورىندا»، - دەلىنگەن اشىق ن ق ا پورتالىندا جاريالانعان كونسۋلتاتيۆتىك قۇجاتتا.
سونىمەن قاتار الەمنىڭ 172 قالاسىندا ءومىر ءسۇرۋ جانە قىزمەت كورسەتۋ ساپاسىن باعالايتىن «economist intelligence unit» رەيتينگىسىندە الماتى جالپى 100 دەن 65,3 بال جيناعان.
«الماتىنىڭ تۇراقتى دامۋى 75 بال دەڭگەيىندە، دەنساۋلىق ساقتاۋ سالاسى - 66,7 بال، مادەنيەت جانە قورشاعان ورتا - 57,6، ءبىلىم - 66,7، ال ينفراقۇرىلىم - 60,7 بال. رەيتينگ اۆتورلارى اتاپ وتكەندەي، بۇل وتە جاقسى ناتيجە»، - دەپ جازىلعان اشىق تالقىعا شىعارىلعان قۇجاتتا.
