ماگيستراتۋراعا ءتۇسۋ ءۇشىن كەشەندى تەستىلەۋ: 176 تالاپكەر ەمتيحاننان شەتتەتىلدى
ورتالىق مالىمەتىنە سايكەس، رەسپۋبليكا بويىنشا 43 مىڭنان استام ادام كومپيۋتەرلىك تەست تاپسىرعان. ولاردىڭ 42 پايىزى شەكتى بالل جيناعان. ماگيستراتۋراعا تۇسۋگە نيەتتى ازاماتتاردىڭ جالپى ورتاشا كورسەتكىشى - 71 بالل. ەڭ جوعارى 140 ۇپايدى تەك ءبىر قاتىسۋشى عانا جيناپتى.
«تەست تاپسىرۋ بارىسىندا ەرەجە بۇزعانى ءۇشىن 328 ادامنىڭ ناتيجەلەرى جويىلدى. اتاپ ايتقاندا، تىيىم سالىنعان زاتتاردى كىرگىزگەن 176 تالاپكەر ەمتيحاننان شەتتەتىلدى. تەستىلەۋ كەزىندە ەرەجە بۇزىپ، 148 ازامات اۋديتوريادان شىعارىلدى. بەينەكامەرالارداعى جازبالاردى قايتا قاراۋ قورىتىندىسى بويىنشا 4 ادامنىڭ ناتيجەسى جويىلدى. سونىمەن قاتار، ەمتيحانعا كىرگىزۋ كەزىندە ادامنىڭ ءتۇر-الپەتىن تانيتىن FACE- ID جۇيەسى ارقىلى 4 بوگدە تۇلعا انىقتالدى»، - دەپ جازدى ۇلتتىق تەستىلەۋ ورتالىعى ءوزىنىڭ تەlegram ارناسىندا.
بيىل ءوز ناتيجەسىمەن كەلىسپەگەن 20 مىڭنان استام ادام اپەللياتسياعا ءوتىنىش بەرگەن. وسىعان ساي، 121 تەست تاپسىرۋشىنىڭ قورىتىندىسى وڭ شەشىمىن تاپتى.
