جاپونيادا كرۋيزدىك لاينەردە كوروناۆيرۋس جۇقتىرعاندار سانى 175 ادامعا جەتتى

توكيو. قازاقپارات - جاپونيادا كارانتين جاريالانعان Diamond Princess كرۋيزدىك لاينەرىندە تاعى 39 ادامنىڭ تەستى كوروناۆيرۋسقا وڭ ناتيجە بەردى.

ىندەت جۇقتىرعاندار سانى 175 ادامعا جەتتى. ولاردىڭ اراسىندا كارانتيندىك ينسپەكتور دا بار، دەپ حابارلايدى قازاقپارات Japan Today-گە سىلتەمە جاساپ.

Diamond Princess لاينەرى 3-اقپان كۇنى يوكوگامۋعا كەلگەننەن كەيىن ەكى اپتاعا كارانتينگە ورنالاستىرىلدى. جولاۋشىلاردىڭ بىرىنەن كوروناۆيرۋس تابىلدى.

كەمە بورتىندا 3700 ادام بولعان. Diamond Princess الەمدەگى ءىرى كرۋيزدىك لاينەرلەردىڭ ءبىرى Princess Cruise Lines-گە تيەسىلى.

كەيبىر ب ا ق-تىڭ مالىمدەۋىنشە، ۇكىمەت ەگدە جاستاعى ادامدار مەن سوزىلمالى اۋرۋى بار ادامدارعا كارانتين مەرزىمى اياقتالعانعا دەيىن، 19-اقپانعا دەيىن جاعاعا شىعۋعا رۇقسات بەرۋ ماسەلەسىن قارادى، ءبىراق ولاردى قايدا جىبەرۋ كەرەكتىگىن انىقتاۋ ءۇشىن ۋاقىت قاجەت.

Japan Times اعىلشىن ءتىلدى گازەتىنىڭ دەرەگى بويىنشا، كرۋيزدىك كەمەدەگى جولاۋشىلاردىڭ %80 ى 60 جاستان اسقاندار، سونىڭ ىشىندە 215 ادام 80 جاستان اسقان جانە 11 ادام 90 نان اسقان.

Kyodo اگەنتتىگى دەنساۋلىق ساقتاۋ مينيسترلىگىنە سىلتەمە جاساپ حابارلاعانداي، 39 ادامنىڭ 10 ى ەكيپاج مۇشەسى. اۋرۋ جۇقتىرعاندار اراسىندا 10 جاپونيا ازاماتى، قالعاندارى 11 ەلدىڭ، سونىڭ ىشىندە ا ق ش پەن قىتاي ازاماتتارى. تورتەۋى اۋىر حالدە جاتىر.

ەسكە سالساق، بۇعان دەيىن جاپونيانىڭ كرۋيز لاينەرىندە كوروناۆيرۋس جۇقتىرعاندار سانى 70 كە جەتكەنى تۋرالى حابارلاعان بولاتىنبىز .